O escudo de armas de Burundi é un dos símbolos nacionais do país e consiste nunha cabeza de león arrodeada de tres lanzas cruzadas. Foi adoptado no ano 1966 e baixo o león pódese ler o lema nacional de Burundi: Unité, Travail, Progrès ("Unidade, Traballo, Progreso").[1]
O antigo escudo de armas do Reino de Burundi foi usado dende 1962 até 1966 e asemellábase moito ó actual, agás polo karyenda real e os dous loureiros que se atopaban na parte superior como símbolo do mwami (rei). O lema nacional era Ganza Sabwa, que en kirundi significa "(o mwami) goberna e reina".
