Enneagrama

Enneagramas mostrados como estrelamentos secuenciais.

Na xeometría, un enneagrama (do grego ἐννέα, ennéa, «nove», e γράμμα, grámma, «trazo») é unha estrela de nove puntas, chamada tamén nonagrama.

Enneagrama regular

Un enneagrama regular (un polígono estrelado de nove lados) é construído utilizando os mesmos puntos que un enneágono regular pero conectado en pasos fixos. Ten dúas formas, representadas por un símbolo de Schläfli como {9/2} e {9/4}, conectando cada segundo e cuarto puntos respectivamente.

Existe tamén unha figura estrelada, {9/3} ou 3{3}, feita a partir dos puntos dun enneágono regular pero conectados como un composto de tres triángulos equiláteros. (Se os triángulos están entrelazados de maneira alternada, resulta nun enlace Brunniano.) Esta figura estrelada é coñecida en ocasións como a estrela de Goliat, sendo {6/2} ou 2{3} a estrela de David.

Grafo completo K9

Enneágono {9/1}

Polígono estrelado {9/2}

Figura estrelada 3{3}

Polígono estrelado {9/4}

Outras figuras de enneagramas

O estrelamento final do icosaedro ten caras de enneagrama. É un poliedro estrelado 9/4, pero os vértices non están igualmente espazados.

O Enneagrama da Personalidade e o enneagrama do Cuarto Camiño utilizan un enneagrama irregular que consiste nun triángulo e un hexagrama irregular.

A estrela de nove puntas bahá'í.

Uso na cultura popular

• Slipknot, unha banda de heavy metal, utiliza o enneagrama da figura estrelada |9/3| como o seu símbolo. [1] Arquivado 24 de setembro de 2015 en Wayback Machine.
• A estrela de nove puntas pode simbolizar os nove regalos ou froitos do espírito santo.

Véxase tamén

Ligazóns externas

• Páxina de Mathworld acerca desta figura incluíndo unha ilustración (en inglés)