El Pilar de la Mola
El Pilar de la Mola é unha localidade de Formentera, nas illas Baleares, situada no centro do altiplano de La Mola, no leste da illa. Está nunha zona illada da illa, nun altiplano elevado e rodeado de cantís.
Forma unha das tres parroquias de Formentera. A poboación formouse arredor da igrexa consagrada da Nosa Señora do Pilar en 1784. O núcleo de poboación tiña 58 habitantes en 2007 pero a maioría da súa poboación é diseminada. En total tiña 991 habitantes, entre El Pilar de la Mola, La Mola e Es Caló.
O seu clima, con precipitacións máis frecuentes que no resto da illa, e a altura que o separa do mar, configuraron unha comunidade rural dedicada á agricultura. É unha das principais zonas de produción do viño da terra de Formentera.
Entre os seus lugares de interese destacan a igrexa da Mare de Déu del Pilar, do século XVIII, o Molí Vell e o Faro de la Mola.
Galería de imaxes[editar | editar a fonte]
-
Igrexa da Mare de Déu del Pilar -
Faro de la Mola -
Molí Vell
.JPG)
