Ehun metro
| Ehun metro | |
|---|---|
 Portada do libro. | |
| Autor/a | Ramon Saizarbitoria |
| Orixe |  País Vasco |
| Lingua | éuscaro |
| Xénero(s) | Novela |
| Editorial | Kriselu |
| Data de pub. | 1976 |
| [ editar datos en Wikidata ] | |
Ehun metro é unha novela en éuscaro de Ramon Saizarbitoria que foi publicada por vez primeira no ano 1976. Conta os derradeiros cen metros que corre un membro de ETA antes de ser asasinado na praza da Constitución de Donostia escapando dos policías, alén das vivencias da súa nenez, os días de clandestinidade, unha relación amorosa do pasado, intercalando información dos titulares de xornais, os interrogatorios policiais a outro rapaz e comentarios de xente da rúa.
A novela reflicte a represión do franquismo e o ambiente opresor que se vivía en Hegoalde, especialmente contra a lingua éuscara. A narración desenvólvese cun xeito especial, aproveitando os estilos que renovaron a literatura éuscara daquel tempo, como o emprego de flash-backs, o collage, a elipse e distintos recursos intercalados no relato que vinculan todos os elementos para o lector.
A novela tivo 14 publicacións até o ano 2011 e foi traducido a catro linguas. En 1985, o director Alfonso Ungria adaptouna ó cine co mesmo título Ehun metro.
Véxase tamén[editar | editar a fonte]
Outros artigos[editar | editar a fonte]
Ligazóns externas[editar | editar a fonte]
- Ehun metro[Ligazón morta], prólogos da novela e primeiro capítulo, Biblioteca digital hispánica Arquivado 17 de decembro de 2016 en Wayback Machine. webgunean.