Crónica bizantina-arábiga
Aparencia
A Crónica bizantina-arábiga é unha crónica medieval, escrita no século VIII entre Exipto e a Península Ibérica, de autor anónimo pero de tendencia filoárabe. Pode considerarse unha continuación da Crónica de Xoán de Biclaro e das Historias dos Godos de Isidoro de Sevilla.
Parece ser que é debedora da fusión de dúas crónicas, unha realizada en Exipto e a segunda parte, doutra redactada en terras ibéricas, interpolando mais información. Serviu de base á Crónica Mozárabe do ano 754.
A crónica empeza coa morte de Recaredo no 601 e acabaría co inicio do reinado do califa omeia Hisham ibn Abd al-Malik no 724. Parte da obra trataría dos visigodos e outra parte centraríase nos bizantinos e os árabes. Crese que foi escrita cara ao ano 741.
Véxase tamén[editar | editar a fonte]
Ligazóns externas[editar | editar a fonte]
- Los Chronica Byzantia-Arabica en e-Spania, Revista Interdisciplinar de Estudos Hispánicos Medievais (en castelán)