Cova de vagalumes da montaña de Tamborine

A cova de vagalumes da montaña de Tamborine é unha iniciativa de conservación animal e vexetal e atracción turística que se acha en Queensland (Australia), exactamente na selva do sueste de Queensland, en fase de recuperación, onde os activistas construíron unha cova artifical para protexer os vagalumes da especie Arachnocampa flava, cunha entrada continua de auga e onde limpan e replantan na fraga coa intención de sacalos ao exterior no futuro.

Foi inaugurada en 2004; só existen 9 especies coñecidas de vermes da luz, todas elas divididas entre Australia e Nova Zelandia, e o parque acolle unha delas con preto de 8000 exemplares.^[1] Os vagalumes son chave no ecosistema australiano, controlando a cantidade de insectos nas selvas.

Acceso ao parque e ruta[editar | editar a fonte]

Situado no cumio da montaña de Tamborine e anexo ao viñedo Cedar Creek Estate, os visitantes teñen a opción de contratar un tour guiado a través da fraga e a cova. O tour é accesíbel durante o día e durante días solleiros ou chuviosos. Cedar Creek ten accesos desde a cidade de Gold Coast, a uns 40 quilómetros ao noroeste de Surfers Paradise, cun tempo de traxecto de 45 minutos. A montaña Tamborine está dominada por fértiles rochas volcánicas vermellas, con abundante chuvia en todas as estacións e aire limpo. A cova é veciña a unha famosa galería de arte (Gallery Walk), unha fábrica de queixo, unha cervexaría, un restaurante polaco e ao Thunderbird Park.

A base de protección dos vagalumes é a sección da selva tropical chamada Cedar Creek Villa, parcialmente desaparecida como selva tropical ata que se comezou a limpeza e replantado das especies autóctonas en 2004. Mediante a implementación dun proxecto de reserva natural deste tipo, o risco de extinción desta especie en natureza pódese evitar de maneira efectiva.^[2]

Todo o percorrido divídese en dúas partes: antes de ver aos vagalumes, veremos un vídeo de coñecemento dos vermes da luz azul de 5 minutos na entrada da cova de estalactitas a escuras, e deixaremos que os ollos se adapten á escuridade. Antes de ingresar á cova dos vagalumes, para manter a salvo a cada visitante, débese usar un anel de luz fluorescente sobre as costas para garantir que todos sexan vistos. Camiñando polo túnel da cova, non só se pode ver o espectáculo dos verme alumeando e simulando o ceo nocturno, senón que tamén poderemos usar unha lanterna de infravermellos especial baixo a supervisión do persoal para observar os vermes de cerca sen danalos. A forma do vagalume, a parte emisora de luz, o estado de depredación e os filamentos pegañentos como perlas con raíces para capturar a súa presa cando se dirixe ao que cre que é o exterior da cova. Durante o percorrido, podemos facer preguntas sobre o material presentado, a actividade é moi popular nos colexios e centros educativos da zona.