Contraventá

Na Galipedia, a Wikipedia en galego.
Fiestra galega coas contras cara dentro da vivenda.
Reprodución dunha contra galega da época castrexa nunha vivenda no Castro de Vigo.

Unha contra ou contraventá[1] é unha porta pequena que se pon detrás das fiestras para impedir o paso da luz[2].

As contras van incorporadas pola parte exterior do muro (Francia, País Vasco, Cataluña...) ou a rentes da parede interior da casa (Galicia, Reino Unido), fíxanse ao muro mediante gonzos ou bisagras. Teñen unha función semellante á persiana mediterránea: impedir o paso da luz ou a calor.

En Galicia é a forma de impedir o paso da luz no interior das casas nas vivendas tradicionais. Aos poucos foi sendo substituída pola persiana mediterránea. As contras galegas son de madeira, ábrense en dúas batentes cara o interior da casa, xa que é a fiestra a que fica a rentes do muro exterior para que a auga esvare pola fachada. Este tipo de disposición da contra e da ventá dáse noutras zonas de climas semellantes como o Reino Unido. En zonas algo menos chuviosas como o resto de España, Francia ou Alemaña a contra sitúase por fóra protexendo a fiestra que está no interior da soleira.

Materiais[editar | editar a fonte]

Os materiais máis comúns de fabricación das contras son os seguintes:

Estrutura[editar | editar a fonte]

Pola súa estrutura, as contras poden ser:

  • Opacas
  • De batentes fixas
  • De batentes móbiles, que se activan por un mecanismo que as inclina en dous posíbeis sentidos
  • Tamén poden ser dunha soa batente, de varias follas prefolla ou de varias follas pregábeis.

Galería de imaxes[editar | editar a fonte]

Notas[editar | editar a fonte]

  1. Dicionario visual da construción, Santiago de Compostela, Colexio Oficial de Arquitectos de Galicia, 2004
  2. "Definición no Portal das Palabras da RAG". Arquivado dende o orixinal o 21 de outubro de 2014. Consultado o 21 de outubro de 2014. 

Véxase tamén[editar | editar a fonte]

Outros artigos[editar | editar a fonte]