Colexio Maior Rodríguez Cadarso

Colexio maior Rodríguez Cadarso
Santiago de Compostela
Vista do edificio
Instancia de colexio maior
Epónimo Alejandro Rodríguez Cadarso
Parte de Universidade de Santiago de Compostela
Persoas e organizacións
Datas e cronoloxía
Fundación 1940
Localización
Situado en Santiago de Compostela  País España Coordenadas  42°52′39″N 8°33′16″O
Fontes e ligazóns
Páxina WEB usc.gal…
Wikidata

O Colexio Maior Universtiario Rodríguez Cadarso é un colexio maior público situado no Campus Sur da Universidade de Compostela. Recibe o nome do médico e reitor da Universidade de Santiago de Compostela, Alejandro Rodríguez Cadarso. Foi a primeira das edificacións do proxecto de Jenaro de la Fuente Álvarez.

Construído en 1940, é o máis antigo das universidades galegas. En principio foi masculino; logo de estar pechado un par de anos por reformas, foi residencia de posgraduados nos anos 70. A partir do curso 1973-1974 comezou, no contexto daquela época, unha nova etapa como colexio feminino, ante a escaseza de residencias para universitarias. Desde o curso 1988-1989 é un colexio mixto.

O actual colexio maior combina unha tradición de longa data e unha situación privilexiada no corazón do Campus Sur, xa que está comunicado co resto de Santiago de Compostela mediante o autobús urbano.

Revista Eis

Desde o curso 1989-1990 e até mediados da década de 1990, o Colexio Maior Universitario Rodríguez Cadarso foi o lugar onde un grupo de residentes creou e editou a revista Eis, que conseguiu un importante impacto na comunidade universitaria da altura^{[Cómpre referencia]}.