Ciclo de Krebs inverso

Na Galipedia, a Wikipedia en galego.
Saltar ata a navegación Saltar á procura
O ciclo de Krebs inverso ou redutivo. As liñas descontinuas son vías encimáticas alternativas.

O ciclo de Krebs inverso ou ciclo de Krebs redutivo (tamén ciclo do ácido cítrico inverso ou redutivo, ou ciclo do ácido tricarboxílico inverso ou redutivo) é unha secuencia de reaccións metabólicas que utilizan algunhas bacterias para producir compostos carbonados a partir de dióxido de carbono e auga.

Esta vía metabólica é o ciclo de Krebs ou ciclo do ácido cítrico funcionando en sentido inverso: Mentres que ao ciclo de Krebs se incorporan moléculas carbonadas relativamente complexas, que se oxidan nel e liberan CO2 e auga, o ciclo inverso fai o contrario, toma CO2 e auga para fabricar compostos carbonados complexos. Este proceso utilízano algunhas bacterias para sintetizar compostos carbonados, ás veces usando hidróxeno, sulfuro, ou tiosulfato como doantes de electróns.[1][2] Este proceso, pode considerarse como unha alternativa á fixación de carbono inorgánico no ciclo da pentosa fosfato redutivo; este último ten lugar nunha ampla variedade de microorganismos e organismos superiores.

Esta vía metabólica é un posible candidato a ser unha das reaccións prebióticas que se producían nas condicións iniciais reinantes na Terra primitiva, polo que é de interese para o estudo da orixe da vida. Descubriuse que algunhas das reaccións da vía poden ser catalizadas por minerais.[3]

Notas[editar | editar a fonte]

  1. Evans MC; Buchanan BB; Arnon DI (1966). "A new ferredoxin-dependent carbon reduction cycle in a photosynthetic bacterium.". Proc Natl Acad Sci U S A. 55 (4): 928–34. PMC 224252. PMID 5219700. doi:10.1073/pnas.55.4.928. 
  2. Buchanan BB; Arnon DI. (1990). "A reverse KREBS cycle in photosynthesis: consensus at last.". Photosynth Res 24: 47–53. PMID 11540925. doi:10.1007/BF00032643. 
  3. Xiang V. Zhang; Scot T. Martin (2006). "Driving Parts of Krebs Cycle in Reverse through Mineral Photochemistry". J. Am. Chem. Soc. 128 (50): 16032–16033. PMID 17165745. doi:10.1021/ja066103k. 

Véxase tamén[editar | editar a fonte]

Outros artigos[editar | editar a fonte]