Carrero Bianco

Na Galipedia, a Wikipedia en galego.
Saltar ata a navegación Saltar á procura
Carrero Bianco
OrixeFerrol, Galicia Galicia
Período2009-presente
Xénero(s)electropop
Selo(s) discográfico(s)Ferror Records
MembrosCarlota Barro
Joaquín Bianco
Agostinho Bianco
Tony
Antigos membrosRocío Bianco
Blas Bianco
Páxina webBandcamp

Carrero Bianco é unha banda galega de electropop fundada no ano 2009 en Ferrol. Ata a data leva publicados tres álbums e un EP.

Historia[editar | editar a fonte]

A banda nace no ano 2009 en Ferrol formada por Rocío Bianco, Blas Bianco (membro de Triángulo de Amor Bizarro nos seus prmeiros tempos), Joaquín Bianco e Agostinho Bianco. O seu primeiro concerto foi no mes de setembro na Festa das Meninas de Canido.[1] En menos dun ano Carrero Bianco chegaría a tocar no Festival do Norte e no Vigo Transforma.[1]

O 10 de outubro de 2010 Carrero Bianco autoedita o seu álbum de estrea, Oferta de Lanzamiento, formado por oito temas e dúas remesturas, unha delas realizada por Projecto Mourente.[2]

En 2011 a batería Rocío Bianco e o baixista Blas Bianco deixan a banda e son substituídos por Tony (bases e sintes) e Carlota Barro (batería electrónica).[1] Coa nova formación en xaneiro de 2012 publicaron o EP de seis temas Blister.[3]

No ano 2012 a banda colabora co tema "Horse Cum" no recompilatorio Galician Bizarre II.[4] O día 10 de setembro de 2013 Carrero Bianco autoedita o seu segundo álbum, Horror! Horror!, gravado en La Casa Bianco (Canido, Ferrol).[1][5]

En 2016 o grupo publicou a través do selo ferrolán Ferror Records o seu terceiro álbum, Ejército Celeste.[6] No ano 2017 o selo reedita Horror! Horror! nunha edición limitada en CD.[1]

Discografía[editar | editar a fonte]

Álbum Ano Selo
Oferta de Lanzamiento 2010 autoeditado
Blister 2012 autoeditado
Horror! Horror! 2013 autoeditado
Ejército Celeste 2016 Ferror Records

Notas[editar | editar a fonte]

  1. 1,0 1,1 1,2 1,3 1,4 "Carrero Bianco". La Fonoteca. Consultado o 8 de novembro de 2018. 
  2. "Oferta de Lanzamiento by Carrero Bianco". Bandcamp. Consultado o 8 de novembro de 2018. 
  3. "Blister by Carrero Bianco". Bandcamp. Consultado o 8 de novembro de 2018. 
  4. "Galician Bizarre II by VV.AA". Bandcamp. Consultado o 8 de novembro de 2018. 
  5. "Horror! Horror! by Carrero Bianco". Bandcamp. Consultado o 8 de novembro de 2018. 
  6. "Ejército Celeste by Carrero Bianco". Bandcamp. Consultado o 8 de novembro de 2018. 

Véxase tamén[editar | editar a fonte]

Ligazóns externas[editar | editar a fonte]