Carlos Muñoz Arosa

Na Galipedia, a Wikipedia en galego.
Carlos Muñoz
Nome completoCarlos Muñoz Arousa
Nacemento3 de abril de 1919
LugarVigo Galicia Galicia
Falecemento27 de outubro de 1992
LugarBos Aires, Arxentina
NacionalidadeEspaña
Cónxuxe(s)Marta Santa Olalla
Profesiónactor
Na rede
IMDB: nm0612999 Allmovie: p147367
Find a Grave: 36930106 Editar o valor em Wikidata
editar datos en Wikidata ]

Carlos Muñoz Arousa nado en Vigo o 3 de abril de 1919 e finado en Bos Aires, Arxentina o 27 de outubro de 1992[1] foi un actor galego.

Traxectoria[editar | editar a fonte]

A súa carreira comezou a despuntar tras a guerra civil española, momento en que interveu en numerosos filmes de ton bélico e patriótico, de moda no momento. Desa época datan as súas colaboracións en Sin novedad en el Alcázar (1940), Escuadrilla (1941), Los últimos de Filipinas (1945) ou El santuario no se rinde (1949). Con todo, compaxinou o cine bélico con outros xéneros e participou no drama Marianela (1940), de Benito Perojo, protagonizado por Mary Carrillo e baseado na obra homónima de Benito Pérez Galdós así como en Cristina Guzmán, onde coñeceu a que logo foi a súa esposa, a actriz protagonista da película Marta Santa Olalla.

Durante tres décadas traballou asiduamente no cine español como actor secundario, con incursións igualmente en teatro (Canción de cuna, 1946, de Gregorio Martínez Sierra; Seis personajes en busca de autor, 1955, de Luigi Pirandello; Donde vas Afonso XII?, 1958, de Torcuato Luca de Tena; Medea, 1959; Don Juan Tenorio, 1964, de José Zorrilla; De París viene mamá, 1960, de Víctor Ruiz Iriarte; Los derechos de la mujer, 1962; Nerón-Paso, 1969 ambas de Afonso Paso) ata que en 1967 alcanzou a súa etapa de maior éxito profesional ao interpretar o papel de cabeza de familia na famosa serie de televisión La casa de los Martínez, que permaneceu en pantalla ata 1971.

Con posterioridade á finalización da serie volveu ao cine, interpretando papeis secundarios en películas como La graduada (1971), de Mariano Ozores, con Lina Morgan.

Notas[editar | editar a fonte]

  1. "Datos de IMDb". Arquivado dende o orixinal o 03 de novembro de 2010. Consultado o 14 de outubro de 2011. 

Véxase tamén[editar | editar a fonte]

Ligazóns externas[editar | editar a fonte]