CFRO (102.7 FM) é unha emisora de radio comunitaria financiada polos propios oíntes de Vancouver (Canadá), coñecida como Co-Op Radio. A emisora apareceu en 1975 establecida por unha coalición de diversos grupos de activistas sociais da cidade e mantén unha programación alternativa focalizada nos colectivos que normalmente non aparecen nas emisoras comerciais, un 20% da súa programación é en linguas diferentes do inglés. Ten 4 empregados e 400 voluntarios.
