Blogger

Blogger, unha palabra creada pola Pyra Labs, é un servizo do Google, que ofrece ferramentas para edición e administración de blogs, de xeito similar ao WordPress.

Blogger permite a hospedaxe dun número ilimitado de blogs nos servidores do BlogSpot (un servizo equivalente a WordPress.com), ou nun servidor propio do usuario (vía FTP). Os blogs hospedados en BlogSpot inclúen unha barra de navegación do Blogger, que non pode ser removida, a través dalgunha opción da interface do Blogger.

Historia

Lanzado en agosto de 1999, foi unha das primeiras ferramentas dedicadas a publicación de blogs e é coñecido por popularizar o formato. Máis especificamente, ao contrario de colocar as anotacións(post) á man en HTML e frecuentemente facer o upload de novas anotacións, o usuario podería crear posts para o blog a través do sitio web do Blogger. Isto era posíbel con calquera navegador, e o texto inmediatamente aparece no sitio web.

Blogger foi creado por Pyra Labs e, en 2003 foi comprado por Google. Máis adiante, funcións especiais, que tiñan a necesidade de seren pagadas para seren empregadas, tornáranse gratis coa entrada do Google.

En 9 de maio de 2004, Blogger foi relanzado cun novo aspecto visual en colaboración coas empresas de deseño de webs Adaptive Path e Stopdesign, ofrecendo novos modelos (templates), páxina propia para posts, comentarios, e publicación por correo electrónico. O mesmo ano, Google comprou Picasa e o seu servizo de intercambio de fotos Hello, que foi integrado ao Blogger, permitindo aos usuarios publicar as súas fotos nos blogs.

En agosto de 2009, en conmemoración ao 10º aniversario de Blogger, foron incorporados novos recursos ao sistema, como o "Jump Break", que serve para a páxina inicial dos blogs exhibiren só un fragmento das anotacións. Antes, para facer iso, era necesaria a edición do código HTML.

Véxase tamén

Ligazóns externas

• https://www.blogger.com