Black Mirror: Bandersnatch

Black Mirror: Bandersnatch
Ficha técnica
Título orixinal	Black Mirror: Bandersnatch
Director	David Slade
Produtor	Russell McLean
Guión	Charlie Brooker
Intérpretes	Fionn Whitehead; Will Poulter; Asim Chaudhry; Craig Parkinson; Alice Lowe;
Estudio	Netflix
Distribuidora	Netflix
Estrea	28 de decembro de 2018
Duración	Variable; 90 minutos no argumento por defecto
Orixe	Reino Unido
Xénero	Thriller
Na rede
	https://www.netflix.com/title/80988062

Black Mirror: Bandersnatch é un filme interactivo de 2018 dirixido por David Slade. Trátase dun thriller psicolóxico da serie antolóxica Black Mirror. Foi escrito polo creador da serie Charlie Brooker e Netflix estreouno internacionalmente o 28 de decembro de 2018. En Bandersnatch, os espectadores poden tomar decisións polo personaxe principal, o mozo programador de videoxogos Stefan Butler (Fionn Whitehead) que está a adaptar unha novela de fantasía do estilo "escolle a túa propia aventura". Outros personaxes inclúen a Mohan Thakur (Asim Chaudhry) e Colin Ritman (Will Poulter), ámbolos dous traballando na compañía de videoxogos, o pai de Butler, Peter (Craig Parkinson) e a terapeuta de Butler, a doutora Haynes (Alice Lowe). O filme está baseado no videoxogo homónimo de Imagine Software que non puido ser estreado por mor da bancarrota da compañía.