Begoña Fernández

Na Galipedia, a Wikipedia en galego.
Begoña Fernández crop.jpg

Begoña Fernández Molinos, nada en Vigo o 22 de marzo de 1980, é unha xogadora de balonmán galega, que xoga na posición de pivote.

Traxectoria[editar | editar a fonte]

Despois de comezar xogando ao balonmán no Balonmán Ría de Vigo e no Balonmán O Porriño, ficha polo Milar l'Eliana de València en 1998. En 2002 pasa a xogar na SD Itxako de Lizarra, co que consegue ser subcampioa da copa da EHF. En 2005 marcha ao Elda Prestigio de Elda e en 2008 volta ao club navarro do Itxako.

Internacionalmente, representou a España en diversas ocasións, e en 2008 obtivo a medalla de prata nos campionatos de Europa, onde ademais foi escollida mellor pivote do campionato[1].

En 2012 participou nos Xogos Olímpicos de Verán coa selección feminina de España, clasificándose para semifinais, onde foron derrotadas por Montenegro, aínda que conseguirían a medalla de bronce, ao imporse ao conxunto de Corea do Sur por 29-31 no partido polo terceiro posto[2].

Notas[editar | editar a fonte]

  1. «É unha gran recompensa tras abandonar Galicia moi nova», entrevista en La Voz de Galicia, 14 de decembro de 2008.
  2. Resultados oficiais da competición de balonmán feminino. Páxina web oficial dos Xogos Olímpicos de 2012. (en inglés).

Véxase tamén[editar | editar a fonte]

Outros artigos[editar | editar a fonte]