Antonio Catalán
| Antonio Catalán | |
|---|---|
| Nacemento | 25 de xuño de 1948 |
| Lugar de nacemento | Corella |
| Nacionalidade | España |
| Alma máter | Universidade Pública de Navarra |
| Ocupación | empresario |
| Premios | Medalla de ouro ó mérito turístico |
| [ editar datos en Wikidata ] | |
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde maio de 2012.) |
Antonio Catalán Díaz, nado en Corella (Navarra), o 25 de xuño de 1948, é un empresario navarro que logrou grandes éxitos no mundo da hostalería, creando dúas das cadeas hoteleiras de maior relevo en España: NH Hoteles e AC Hoteles.
Biografía[editar | editar a fonte]
Antonio Catalán é licenciado en Empresariais pola antiga "Escola de Comercio" da Universidade Pública de Navarra. Toda a súa carreira profesional posterior desenvolveuse no sector da hostalería. As súas primeiras andanzas no mundo económico foi tras dunha gasolineira propiedade do seu pai, levando a súa xestión económica.
Posteriormente, aos seus 29 anos levantou o seu primeiro hotel, o "Ciudad de Pamplona", base sobre a que se constituiría unha das cadeas hoteleiras de maior prestixio dentro do ámbito nacional e internacional: NH Hoteles.
En 1997, tras discrepancias coa administración do grupo, abandona NH vendendo tódalas súas participacións aos italianos, por un total de 12.000 millóns de pesetas (70 millóns de Euros). Despois aventurouse nun novo proxecto hoteleiro: AC Hoteles, unha cadea hoteleira composta na súa maioría por hoteis de 4 e 5 estrelas que son do 100% da propiedade da empresa matriz.
Controla o 65% do capital de AC Hoteles.[1]
Notas[editar | editar a fonte]
- ↑ Araujo, Laureano (18 de xuño de 2018). "Antón Arias e Antonio Catalán, empresarios descontentos". Praza Pública. Consultado o 19 de xuño de 2018.