O Ambrosini SAI.207 foi un caza italiano da segunda guerra mundial. Desenvolveuse a partir do S.A.I7, un avión deportivo de preguerra. O S.A.I.7 evolucionou cara ao S.A.I.107 que sería un adestrador de caza, e este cara ao prototipo do caza S.A.I.207. As probas de voo comezaron en 1942 e entraron en servizo en xullo de 1943. Finalmente só se fabricaron 13 avións de preserie dos 2 000 encargados debido a que o resto do pedido se desviou ao mellorado S.A.I.403 Dardo, do que só se construiría o prototipo.
