Afonso Pita da Veiga
| Biografía | |
|---|---|
| Nacemento | 1480 (Gregoriano)  Ferrol |
| Morte | 1554 (73/74 anos) Pontedeume |
| Datos persoais | |
| País de nacionalidade | Reino de Galicia |
| Actividade | |
| Ocupación | militar |
| Período de actividade | - 1529 |
| Lingua | Lingua castelá |
| Carreira militar | |
| Conflito | Batalla de Pavía |
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde abril de 2015.) |
Afonso Pita da Veiga ou Alonso Pita da Veiga, nado en Ferrol cara ao ano 1480 e finado en Pontedeume en 1554, foi un militar do reino de Galicia.
Traxectoria[editar | editar a fonte]
Segundo fillo do rexedor de vila ferrolá, Pedro Morado e de María Fernandes da Veiga, Afonso Pita da Veiga adquiriu gran sona no exército galego dirixido e liderado por Fernando de Andrade polas súas intervencións nas guerras italianas acontecidas entre os anos 1513 e 1525.
O seu feito máis memorable foi a captura no campo de batalla do rei Francisco I de Francia durante a batalla de Pavia, motivo polo que recibiu do emperador Carlos V numerosas terras e propiedades na comarca de Trasancos nos arredores de Ferrol, así como o dereito a exhibir no seu escudo familiar, as flor de lises propias da monarquía francesa.
O 24 de xullo de 1529 o emperador Carlos V emitiu unha distinción para Afonso Pita da Veiga por "los buenos y leales servicios que Vos, Alonso Pita da Veiga, gallego, nuestro vasallo, nos habeis hecho en todas las guerras que se han ofrecido".
