Alguna pregunta més? ou APM? é un programa de televisión da TV3 que orixinariamente foi un espazo radiofónico de Catalunya Ràdio. En ton humorístico, o programa amosa as mellores imaxes da semana, parodia programas doutras canles, versiona anuncios e fai dobraxes. É o programa de entretemento máis veterano da TV3.[1]
APM? baséase en vídeos de zapping que amosan a actualidade do país e situacións curiosas, presentadas sempre de forma satírica. Tamén utilizan vídeos recorrentes a modo de resposta, sketches, parodias e dobraxes. Ademais, hai espazos de imaxe real, como Homo APM?. Porén, o programa catalán comprende diferentes apartados nos que a temática é diferente ao resto:
Pressing APM?: diferentes actores actuais e personaxes famosos enfróntanse aos seus fallos na televisión.
La televisió és cultura (en gl. "A televisión é cultura"): entrevistas a personaxes relevantes da televisión catalá e estatal.
Homo APM: bromas de cámara oculta cun actor chamado popularmente como "Homo APM", que crea situacións con frases do programa. Está interpretado por Manel Piñero, un dos guionistas do programa.
El defensor de l'espectador (en gl. "O defensor do espectador"): sae un momento exasperante da televisión ou de Internet combinado con comentarios de indignación de seareiros do Barça.
Cinquè mil·leni (en gl. "Quinto Milenio"): sección que imita de forma ocorrente o programa emitido en Cuatro, Cuarto Milenio.
Què m'has dit? (en gl. "Que me dixeches?"): sección que recolle fallos de dicción na televisión.
Per un Tub (en gl. "Por un Tubo"): toman fragmentos de películas e dóbranas coas frases célebres do programa. A pantalla toma a aparencia de YouTube.
APM? Trailer: encáixase un tema de actualidade no tráiler dun filme, serie ou tráiler de videoxogo de estrea actual.
Xooof: amósanse contradiccións entre persoas en distintos programas de televisión, tralos que se amosa unha caída ou tiro a unha piscina.
Clàssics APM? (en gl. "Clásicos APM?"): similar a APM? Tráiler, utilízase un filme antigo.
Sputnik: sección musical que imita de forma ocorrente o programa Sputnik, que emite El 33.
La parabòlica (en gl. "A parabólica"): utilizan vídeos de calquera idioma estranxeiro e inventan subtítulos acordes aos temas de actualidade. Moitos deses vídeos son usados de xeito recorrente, como o videoclip de "Novi god" de Steklovata.
Fot Lee: amósanse fragmentos de programas televisivos nos que diversas personalidades públicas reciben duras críticas por parte doutras persoas.
APM? Sessions: sección musical onde fan montaxes con momentos televisivos.
Encarats: mestúranse caras de famosos.
Si és veritat..., seria el rècord Guinness! (en gl. "Se é verdade, sería o récord Guiness"): sección onde collen fragmentos de novas e móntanas conseguindo unha noticia divertida.
Notícies d'actualitat: sección onde os Venga Monjas saen á rúa a preguntar á xente se unha serie de titulares son reais ou falsos.
Al carrer (en gl. "Na rúa"): sección onde o reporteiro Jordi Asturgó sae a preguntar á xente por un tema.
Els catalans fan coses (en gl. "Os cataláns fan cousas"): Peyu recorre as vilas de Cataluña para propoñer retos aos cataláns.