Alejandro Marque
| Biografía | ||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | (es) Alejandro Manuel Marque Porto  23 de outubro de 1981 (42 anos)Pontevedra, España | |||||||||||||||||||||||||||||||
| Datos persoais | ||||||||||||||||||||||||||||||||
| País de nacionalidade | España | |||||||||||||||||||||||||||||||
| Actividade | ||||||||||||||||||||||||||||||||
| Ocupación | ciclista | |||||||||||||||||||||||||||||||
| Lingua | Lingua castelá | |||||||||||||||||||||||||||||||
| Deporte | ciclismo de competición | |||||||||||||||||||||||||||||||
| Disciplina deportiva | ciclismo en ruta | |||||||||||||||||||||||||||||||
| ||||||||||||||||||||||||||||||||
| Participou en | ||||||||||||||||||||||||||||||||
| 2022 | UCI Europe Tour de 2022 (pt)  (667º)../... 25+ |
|||||||||||||||||||||||||||||||
Alejandro Marque Porto, nado na Estrada o 23 de outubro de 1981, é un ciclista profesional galego. Dende 2017 corre no equipo portugués Atum General–Tavira–Maria Nova Hotel.
Traxectoria[editar | editar a fonte]
Debutou coma profesional en 2004, e desenvolveu toda a súa carreira deportiva profesional en equipos portugueses de categoría Continental. A súa primeira vitoria profesional foi en 2009, no GP Costa Azul. No 2012 acadou a primeira etapa da Volta a Asturias tras estar escapado gran parte da etapa.[1] Esa tempada foi terceiro no campionato de España contra o reloxo e tamén gañou a crono da Volta a Portugal e a 4ª Etapa do GP Abimota. O seu maior logro é o triunfo na Volta a Portugal 2013, onde se vestiu de amarelo a falta dunha xornada, gañando novamente a contra o reloxo e impoñéndose sobre o seu compañeiro de equipo Gustavo César Veloso por só 4 segundos.[2]
A súa boa actuación en Portugal, fixo que de cara á tempada 2014 se confirmase a súa fichaxe polo Movistar Team.[3] Porén o 13 de decembro de 2013 saíu á luz un resultado anómalo por betametasona nun control antidopaxe durante a Volta a Portugal.[4] Debido a isto, o Team Movistar, non fixo efectivo o contrato asinado posto que había unha cláusula pola que o ciclista tiña que asegurar que chegaba o equipo sen ningún tipo de problemas no referente a dopaxe e no caso de que os houbese, o contrato deixaría de ter valor inmediatamente.[5] Ese mesmo día o ciclista deu as súas explicacións primeiro nun comunicado e máis tarde nunha rolda de prensa, onde manifestou que debido a unha lesión no xeonllo fora infiltrado para poder correr a carreira e que tanto os médicos como a UCI estaban ó tanto da situación.[6]
Palmarés[editar | editar a fonte]
2009
- 1 etapa do Gran Premio Crédito Agrícola da Costa Azul
2012
- 1 etapa da Volta a Asturias
- 3º no Campionato de España contra o reloxo
- 1 etapa da Volta a Portugal
2013
- Volta a Portugal, máis 1 etapa
Equipos[editar | editar a fonte]
- Carvalhelhos-Boavista (2004-2005)
- Imoholding-Loule Jardim Hotel (2006)
- Madeinox-BRIC-Loule (2007)
- Palmeiras Resort (2008-2010)
- Palmeiras Resort-Tavira (2008)
- Palmeiras Resort-Prio (2009-2010)
- Onda (2011)
- Carmin-Prio (2012)
- OFM-Quinta da Lixa (2013-)
Notas[editar | editar a fonte]
- ↑ "Alejandro Marque se impone en una loca primera etapa", artigo en As, 27 de abril de 2012 (en castelán).
- ↑ "Alejandro Marque sucede a David Blanco en la Vuelta a Portugal", artigo en Abc, 18 de agosto de 2013 (en castelán).
- ↑ "El ganador de la Vuelta a Portugal firma con Movistar Team", artigo en biciciclismo.com (en castelán).
- ↑ Resultado anómalo del ganador de la Vuelta a Portugal
- ↑ Movistar Team: “Alejandro Marque no formará parte del equipo”
- ↑ Alex Marque: “No hay ningún engaño en mi uso de la betametasona” biciciclismo.com
