Abigail Campbell Kawānanakoa

Abigail Campbell Kawānanakoa

Biografía
Nacemento	1 de xaneiro de 1882 Honolulu
Morte	12 de abril de 1945 (63 anos) Honolulu
Lugar de sepultura	Mausoleo Real de Hawai
Educación	Universidade Notre Dame de Namur
Actividade
Ocupación	política
Partido político	Partido Republicano
Outro
Título	Princesa
Cónxuxe	David Kawānanakoa
Fillos	Abigail Kapiolani Kawānanakoa, David Kalākaua Kawānanakoa, Lydia Liliuokalani Kawānanakoa
Pais	James Campbell   e Abigail Kuaihelani Campbell

Abigail Wahiʻikaʻahuʻula Campbell Kawānanakoa, nada o 1 de xaneiro de 1882 en Honolulu (Oahu) e finada o 12 de abril de 1945 na mesma cidade, foi unha política e princesa hawaiana.

Traxectoria

Naceu no mesmo cuarto da mansión da rúa Emma que fora o lugar de nacemento da princesa Kaʻiulani. O seu pai era James Campbell, un dos industrialista máis ricos do Reino de Hawai. A súa nai era en parte hawaiana Abigail Kuaihelani Maipinepine Bright.

Graduouse no College of Notre Dame en Belmont, California, en 1900, onde se converteu do anglicanismo, a relixión dos seus pais, ao catolicismo romano. O 6 de xaneiro de 1902, en virtude do seu matrimonio co príncipe David Laʻamea Kahalepouli Kawānanakoa Piʻikoi, pasou a ser coñecida como a princesa Abigail.

O príncipe David foi un dos herdeiros de Kalākaua, monarca do Reino de Hawai'i xunto coa princesa Victoria Ka'iulani e a irmá de Kalakaua, entón princesa herdeira Liliʻuokalani. O príncipe David morreu de pneumonía en 1908. Ela e o príncipe David tiveron tres fillos; David Kalākaua Kawananakoa, Abigail Helen Kapi'olani Kawananakoa e Lydia Lili'uokalani Kawananakoa.

Tras a morte do seu cuñado, o príncipe Jonah Kūhiō Kalanianaʻole, en 1922, a princesa Abigail converteuse na líder de todos os hawaianos nativos e participou activamente na política de Hawai como a súa defensora. Tamén asumiu o papel de herdeira ao trono mentres os hawaianos nativos continuaban a rezar polo regreso da súa soberanía. A diferenza do seu cuñado, o príncipe Kūhiō, a princesa Abigail era unha republicana devota e traballou para perseguir os seus ideais. En 1924 converteuse en membro do comité nacional republicano de Hawai e exerceu nese cargo durante doce anos. A súa prominencia no escenario nacional converteu á princesa Abigail nun modelo a seguir para as mulleres de Hawai.

Morreu na súa casa de Honolulu o 12 de abril de 1945.