A Sunny Day in Glasgow
| A Sunny Day in Glasgow | |
|---|---|
| Orixe | Filadelfia, Pensilvania,  |
| Período | 2006 - presente |
| Xénero(s) | dream pop, shoegazing, ambient |
| Selo(s) discográfico(s) | Mis Ojos Discos, Geographic North, Lefse Records |
| Membros | Ben Daniels Josh Meakim Annie Fredrickson Jen Goma Ryan Newmyer Adam Herndon |
| Antigos membros | Ever Nalens Robin Daniels Lauren Daniels Brice Hickey Mich White Jason Trill Pete Leonard Ryan Mitchell |
| Na rede | |
| asunnydayinglasgow.com | |
         | |
A Sunny Day in Glasgow é unha banda de dream pop de Filadelfia e Brooklyn nos Estados Unidos e Sydney, Australia. Formado no ano 2006, o grupo tivo moitos cambios na súa composición dende entón, sendo Ben Daniels o único membro constante. Dende o ano 2010 a banda está composta por Ben Daniels, Josh Meakim, Annie Fredrickson, Ryan Newmyer, Adam Herndon, e Jen Goma.
Historia
[editar | editar a fonte]A Sunny Day in Glasgow comezou como unha colaboración entre os amigos Ben Daniels e Ever Nalens, que regresaran a Filadelfia pouco antes tras varios anos no Reino Unido.[1] O nome da banda púxollo Nalens, que estivera vivindo en Glasgow, e Daniels mantívoo cando Nalens deixou o proxecto.[2] Daniels tamén preguntoulle ás súas irmás xemelgas, Robin e Lauren, para que cantasen as cancións nas que estaba traballando.
En marzo de 2006 a banda xuntou varios temas e publicounos nun EP titulado The Sunniest Day Ever. O EP tivo algunha repercusión nas radios universitarias, chegando ao número 1 da emisora da Universidade de Nova York, a WNYU, e recibindo recensións favorables de páxinas como Pitchfork Media.[1][3]
En 2006 a banda fichou por Notenuf Records e a través deste selo lanzou o seu álbum de estrea, Scribble Mural Comic Journal, en febreiro de 2007. O disco foi moi ben acollido, dándolle Pitchfork Media un "8.0" e unha valoración de "recomendado",[4] mentres que Drowned in Sound deulle un "9/10" e chamouno "contendente ao álbum do ano".[5] O grupo recompilou descartes de anteriores sesións de gravación e lanzounas como o Tout New Age EP no verán de 2007.
En 2009 o grupo lanzou o seu segundo álbum de estudio, Ashes Grammar. Durante o proceso de gravación, a banda pasou por varios cambios na formación. O primeiro deses cambios chegou cando o baixista Brice Hickey caeu ao cargar equipamento no seu coche, rompendo varios ósos das pernas. Isto fixo que Ben Daniels gravase as partes de baixo para o disco, pero tamén significou que a vocalista Robin Daniels tivese que marchar para coidar do encamado Hickey, que é o seu mozo. Lauren Daniels tamén tivo que deixar o grupo debido a que realizaba estudos de potgrao en Colorado, forzando a Ben Daniels e ao guitarrista/batería Josh Meakim a recrutar á cantante Annie Fredrickson, que tamén era unha cjhelista e pianista con formación clásica.[6] Tras a gravación do álbum, Ryan Newmyer uniuse como baixista e o amigo de Meakim Adam Herndon como batería.
O 24 de xuño de 2014 A Sunny Day in Glasgow publicou o seu cuarto álbum de estudio, Sea When Absent.
Discografía
[editar | editar a fonte]Álbums
[editar | editar a fonte]| Álbum | Ano | Selo |
|---|---|---|
| Scribble Mural Comic Journal | 2007 | Notenuf |
| Ashes Grammar | 2009 | Mis Ojos Discos |
| Autumn, Again | 2010 | auto-editado |
| Sea When Absent | 2014 | Lefse Records |
| Planning Weed Like It's Acid / Life Is Loss | 2015 | auto-editado |
EPs
[editar | editar a fonte]- The Sunniest Day Ever EP - 2006
- Tout New Age EP - 2007
- Nitetime Rainbows EP - 2010
- Sketch for Winter - 2014
- No Death - 2015
Notas
[editar | editar a fonte]- ↑ 1,0 1,1 "A Sunny Day in Glasgow Songs, Albums, Reviews, Bio & More". AllMusic (en inglés). Consultado o 2024-01-15.
- ↑ "Ben Daniels of A Sunny Day in Glasgow – Impose Magazine". www.imposemagazine.com. Consultado o 2024-01-15.
- ↑ "Pitchfork: A Sunny Day in Glasgow: "C'mon" [Track Review]". web.archive.org. 2007-06-03. Arquivado dende o orixinal o 03 de xuño de 2007. Consultado o 2024-01-15.
- ↑ "A Sunny Day in Glasgow: Scribble Mural Comic Journal: Pitchfork Record Review". web.archive.org. 2007-10-11. Arquivado dende o orixinal o 11 de outubro de 2007. Consultado o 2024-01-15.
- ↑ "Drowned in Sound - Reviews - Album - A Sunny Day In Glasgow". web.archive.org. 2007-11-03. Arquivado dende o orixinal o 03 de novembro de 2007. Consultado o 2024-01-15.
- ↑ "A Sunny Day in Glasgow share first MP3 from Ashes Grammar". Force Field (en inglés). 2009-07-27. Consultado o 2024-01-15.
Véxase tamén
[editar | editar a fonte]Ligazóns externas
[editar | editar a fonte]- Páxina oficial Arquivado 16 de decembro de 2014 en Wayback Machine.
