5S

Na Galipedia, a Wikipedia en galego.
書.svg Esta páxina contén texto en xaponés.
Se o seu navegador non está axeitadamente configurado pode ver caracteres estraños.
Carte 5S.png

O método das 5 « S », así denominado pola primeira letra (en xaponés) de cada unha das súas cinco etapas, é unha técnica de xestión xaponesa baseada en cinco principios simples:

  • Seiri 整理 (Organización)
  • Seiton 整頓 (Orde)
  • Seiso 清掃 (Limpeza)
  • Seiketsu 清潔 (Limpeza estandarizada)
  • Shitsuke 躾 (Disciplina)

Obxectivos[editar | editar a fonte]

A aplicación das 5S satisfai múltiples obxectivos. Cada 'S' ten un obxectivo particular:

  • Eliminar do espazo de traballo o que sexa inútil.
  • Organizar o espazo de traballo de xeito eficaz.
  • Mellorar o nivel de limpeza do espazo de traballo.
  • Previr a aparición de sucidade e desorde.
  • Fomentar os esforzos no mantemento da orde e limpeza.

Por outra parte, o total do sistema permite:

  • Mellorar as condicións de traballo e a moral do persoal (é máis agradable traballar nun lugar limpo e ordenado).
  • Reducir os gastos de tempo i enerxía.
  • Reducir os riscos de accidentes ou enfermidades laborais.
  • Mellorar a calidade do produto.
  • Aumentar a produtividade.

Desenvolvemento[editar | editar a fonte]

Seiri (Organizar)[editar | editar a fonte]

Caixón de ferramentas nun postro de traballo dunha fábrica organizada con 5S.

Nesta etapa, trátase de eliminar do lugar de traballo todo aquilo que non teña o seu sitio ou non sexa necesario. Algunhas normas axudan a tomar boas decisións:

  • Tírase todo o que se usa menos de unha vez ó ano.
  • Do que queda, todo o que se usa menos de unha vez por mes apártase (por exemplo, na sección de arquivo, ou no almacén da fábrica).
  • Do que queda, todo aquilo que se usa menos de unha vez á semana apártase non moi lonxe (tipicamente nun armario da oficina, ou nunha zona de almacenamento na fábrica).
  • Do que queda, todo o que se usa menos de unha vez por día deixase no posto de traballo.
  • Do que queda, todo o que se usa menos de unha vez por hora está no posto de traballo, ó alcance da man.
  • E o que se usa menos de unha vez por hora colócase directamente sobre o operario.

Esta xerarquización do material de traballo conduce loxicamente a Seiton.

Seiton (Ordenar)[editar | editar a fonte]

Esta etapa consiste en ordenar as diferentes ferramentas e materiais para o traballo. Pódense empregar métodos de xestión visual para facilitar o orde, pero a miúdo, a regra máis sinxela para implantar Seiton é: Un lugar para cada cousa, e cada cousa no seu lugar.

Nesta etapa preténdese organizar o espazo de traballo co obxecto de evitar tanto as perdas de tempo como de enerxía.

As normas de Seiton:

  • Organizar racionalmente o posto de traballo (proximidade, obxectos pesados fáciles de coller ou sobre un soporte, ...).
  • Definir as regras de ordenamento.
  • Facer obvia a colocación dos obxectos.
  • Os obxectos de uso frecuente deben estar cerca do operario.
  • Clasificar os obxectos por orde de utilización.
  • Estandarizar os postos de traballo.
  • Favorecer o FIFO.

Seiso (Limpar)[editar | editar a fonte]

Punto de limpeza nunha fábrica organizada con 5S.

Unha vez o espazo de traballo está despexado (Seiri) e ordenador (Seiton), é moito máis doado limpalo. O incumprimento da limpeza pode ter moitas consecuencias, provocando incluso anomalías ou o mal funcionamento da maquinaria.

A limpeza é unha actividade diaria nas compañías xaponesas. Ao final de cada quenda, límpase o espazo de traballo, e cada cousa é colocada no seu lugar.

Normas para Seiso:

  • Limpar, inspeccionar, detectar as anomalías
  • Volver a deixar sistematicamente en condicións
  • Facilitar a limpeza e a inspección
  • Eliminar a anomalía na orixe

Seiketsu (Manter a limpeza)[editar | editar a fonte]

A miúdo o sistema das 5S aplícase soamente puntualmente. Seiketsu lembra que o orde e a limpeza deben manterse cada día.

Para conseguilo, as seguintes normas serven de axuda:

  • Facer evidentes as consignas: cantidades mínimas, identificación das zonas.
  • Favorecer o control visual.
  • Estandarizar os métodos operatorios.
  • Formar ao persoal nos estándares.

Shitsuke (Disciplina)[editar | editar a fonte]

Esta etapa contén a calidade na aplicación do sistema 5S. Si se aplica sen o rigor necesario, este perde toda a súa eficacia.

É tamén unha etapa de control rigoroso da aplicación do sistema: os motores de esta etapa son unha comprobación continua e fiable da aplicación do sistema 5S (as 4 primeiras 'S' neste caso) e o apoio do persoal implicado.

Consecuencias[editar | editar a fonte]

O resultado mídese tanto en produtividade como en satisfacción do persoal respecto aos esforzos que se realizaron para mellorar as condicións de traballo.

Véxase tamén[editar | editar a fonte]