Ángel Cobián Areal
| Ángel Cobián Areal | |
|---|---|
 | |
| Nacemento | 1854 |
| Lugar de nacemento | Romai |
| Falecemento | 14 de maio de 1901 |
| Lugar de falecemento | Pontevedra |
| Nacionalidade | España |
| Ocupación | médico e político |
| [ editar datos en Wikidata ] | |
Ángel Cobián Areal, nado en Romai (Portas) en 1854 e finado en Pontevedra o 14 de maio de 1901,[1] foi un médico e político galego.
Traxectoria[editar | editar a fonte]
Estudou Medicina en Madrid. Desenvolveu un labor sanitario en Pontevedra, foi director médico do hospital de Pontevedra (1894),[2] procurador médico do concello, médico encargado do servizo de hixiene, vogal da Xunta Provincial de Beneficencia, presidente do Colexio de Médicos de Pontevedra e inspector de Sanidade da provincia. Redactou o Reglamento para el orden y gobierno del Hospital de Pontevedra (1897) e o Reglamento de Higiene especial (1897), para controlar a prostitución.
Militante do Partido Conservador, foi nomeado alcalde de Pontevedra o 27 de xuño de 1891,[3] permanecendo no cargo até 1893. Promoveu a construción dun novo hospital na cidade e unha campaña de vacinación fronte a varíola. Morreu o 14 de maio de 1901 de xeito repentino despois de enfermar gravemente.[4]
Notas[editar | editar a fonte]
- ↑ "Décimo aniversario del señor Ángel Cobián Areal". La Correspondencia Gallega : diario de Pontevedra (6364): 3. 13 de maio de 1911.
- ↑ "Ángel Cobián Areal: pionero de los Rayos X y de la lucha contra la rabia y la peste en Galicia". El Español (en castelán). 25 de decembro de 2022.
- ↑ Gaceta de Galicia, 2-7-1891, p. 2.
- ↑ "La medicina avanzada de Ángel Cobián Areal". Diario de Pontevedra (en castelán). 2 de febreiro de 2020.
Véxase tamén[editar | editar a fonte]
Ligazóns externas[editar | editar a fonte]
- Fraga Vázquez, Xosé A. (2012). "Ángel Cobián Areal". no Álbum da Ciencia do Consello da Cultura Galega.
| Predecesor: Inocencio Acevedo Caballero |
 Alcalde de Pontevedra 1891 - 1893 |
Sucesor: Víctor Mendoza Muñoz |
