Willis Reed
Willis Reed Jr., nado en Hico, Louisiana, o 25 de xuño de 1942 e finado o 21 de marzo de 2023,[1] foi un xogador de baloncesto estadounidense que desenvolveu a súa carreira a finais dos anos 60 e principios dos 70. Cos seus 2,09 m, comezou xogando de á alto, na posición de 4, para pasar a ser un pivote nato. Destaca a súa traxectoria nos New York Knicks, posto que foi o único equipo no que militou nos seus dez anos como profesional.
Traxectoria deportiva[editar | editar a fonte]
Universidade[editar | editar a fonte]
Formado na pouco coñecida Universidade de Grambling, logrou unhas medias de 18,7 puntos e 15,2 rebotes, o cal lle permitiu ser All-American, é dicir, un dos mellores xogadores de toda a nación a nivel universitario, nos anos 1963 e 1964.
NBA[editar | editar a fonte]
Foi elixido na primeira posición da segunda rolda do Draft da NBA de 1964 polos New York Knicks, equipo no que desenvolvería toda a súa carreira profesional. No seu ano do debut foi elixido Rookie do Ano, cunhas extraordinarias estatísticas de máis de 19 puntos e 14 rebotes por encontro.
A súa mellor tempada, e pola que se lle lembrará sempre, foi a de 1969-70, na cal logrou o fito nunca antes alcanzado de ser considerado, nunha mesma tempada, MVP da tempada regular, do All-Star Game e das Finais, redondeando a mesma co anel de campión da NBA. Lograría un segundo título en 1973, cando xa as lesións estaban comezando a prexudicarlle. Retiraríase un ano máis tarde, con tan só 31 anos, disputando 650 partidos, e cunhas medias de 18,7 puntos e 12,9 rebotes por partido.
Equipos[editar | editar a fonte]
Adestrador[editar | editar a fonte]
Adestrou aos Knicks durante tempada e media, entre 1978 e 1979. De aí pasou a ser adestrador asistente da Universidade de St. John's en 1981, e adestrador titular na Universidade Creighton entre o 81 e o 85. Regresou de novo á liga profesional, facéndose cargo dos New Jersey Nets en 1987, levando ao equipo durante dúas tempadas.
Logros[editar | editar a fonte]
- Dúas veces Campión da NBA (1970, 1973).
- Unha vez MVP da NBA (1970).
- Dúas veces MVP das Finais da NBA (1970, 1973).
- Sete veces All-Star (1965–1971).
- Unha vez MVP do All-Star (1970).
- Unha vez no Primeiro equipo da NBA (1970).
- Catro veces no Segundo equipo da NBA (1967–1969, 1971).
- Unha vez no Primeiro equipo defensivo da NBA (1970).
- Rookie do Ano da NBA (1955).
- Primeiro equipo rookie da NBA (1955).
- Nomeado un dos 50 mellores xogadores da historia da NBA (1996).
- Membro do Basketball Hall of Fame como xogador (1982).
- Número 19 retirado por New York Knicks.
Notas[editar | editar a fonte]
- ↑ Araton, Harvey (21 de marzo de 2023). "Willis Reed, Hall of Fame Center for Champion Knicks, Dies at 80". The New York Times (en inglés). Consultado o 21 de marzo de 2023.
Véxase tamén[editar | editar a fonte]
Ligazóns externas[editar | editar a fonte]
- Páxina de Reed na web do Hall of Fame
- Estadísticas como xogador Arquivado 20 de xaneiro de 2021 en Wayback Machine.
- Estadísticas como adestrador Arquivado 15 de setembro de 2012 en Wayback Machine.
- Xogadores de baloncesto dos Estados Unidos de América
- Xogadores de baloncesto da NBA
- Xogadores dos New York Knicks
- Eleccións no Draft da NBA dos New York Knicks
- Pivotes de baloncesto
- Adestradores da NBA
- Adestradores de baloncesto dos Estados Unidos de América
- Adestradores dos New York Knicks
- Adestradores dos New Jersey Nets
- MVP da Tempada da NBA
- MVP das Finais da NBA
- Rookie do Ano da NBA
- Membros do Salón da Fama da NBA
- Nados en 1942
- Nados na parroquia de Union, Luisiana
- Finados en 2023