Igrexa de Väte
Igrexa de Väte | |
---|---|
Datos xerais | |
País | Suecia |
Rexión | Gotland |
Localización | Väte |
Coordenadas | 57°26′57″N 18°21′51″L / 57.4491, 18.36405Coordenadas: 57°26′57″N 18°21′51″L / 57.4491, 18.36405 |
Culto | |
Culto | Igrexa de Suecia |
Diocese | Diocese de Visby |
[ editar datos en Wikidata ] |
A igrexa de Väte (sueco: Väte kyrka) é unha igrexa medieval luterana en Väte, na illa sueca de Gotland, pertencente á diocese de Visby.
Historia e arquitectura[editar | editar a fonte]
A igrexa de Väte foi construída durante o século XIV. O coro e a sancristía son as partes máis antigas do edificio, sendo construídas ao redor do ano 1300, mentres que a nave data de mediados dese século. Unha torre foi planeada, pero nunca chegou a construírse. A presente igrexa gótica probablemente substituíu a unha anterior de estilo románico, da cal varios restos foron incorporados á actual. Dende a idade media non se realizaron grandes alteracións no edificio. O chapitel construíuse en 1914 e a igrexa foi restaurada tres veces durante o século XX: en 1927-28, 1956 e 1965.[1]
A igrexa está construída de calcaria. O exterior está parcialmente decorado con esculturas románicas (o portal norte, relieves e decoracións das fiestras), e ten dous portais góticos no sur con capiteis finamente esculpidos. No interior, a igrexa está decorada con frescos. Un conxunto data do século XIV, outro realizado polo artista coñecido como Passionsmästaren é do século XV e un terceiro, semellante aos das igrexas de Alva e Lau, é de 1520.
Galería de imaxes[editar | editar a fonte]
-
Vista dende o oeste
-
Vista dende o aire
-
Interior ds igrexa
Notas[editar | editar a fonte]
- ↑ "Väte kyrka". Region Gotland. Arquivado dende o orixinal o 17 de agosto de 2018. Consultado o 16 de agosto de 2018.