Wikipedia:Imaxe da semana/Propostas/Ficheiro:Rosmarinus officinalis. Romeu.jpg
Debate pechado. Por favor, non faga edicións neste arquivo. Resultado: 3 a favor, 1 en contra. Non se elixe como imaxe da semana.
Ficheiro:Rosmarinus officinalis. Romeu.jpg[editar a fonte]
- Información: Rosmarinus officinalis, Romeu. Imaxe creada en Flickr por IES Manuel García Barros e cargada por Lmbuga; proposta por Prevert.
- Comentario: propoñoa como representativa dunha serie moi numerosa de imaxes sobre plantas moi valiosas para a Galipedia das imaxes do IES-MGB cargadas por Lmbuga. --Prevertgl 21:13, 16 decembro 2009 (UTC)
- A favor
- Concordo. --Prevertgl 21:13, 16 decembro 2009 (UTC)
- Concordo. Elvira (conversa comigo) 23:41, 16 decembro 2009 (UTC)
- Concordo.--Hugo22 21:31, 30 decembro 2009 (UTC).
- En contra
- Discordo Esta é unha desas imaxes que veñen moi ben para ilustra-lo artigo pero non tanto como para ser imaxe da semana. Pedro --Lameiro (conversa) 11:24, 22 decembro 2009 (UTC)
- Comentarios
- Comentario Non comprendo que non veña moi ben para a portada e en cambio sexa perfecta para ilustrar un artigo. ¿Poderías aclaralo? Intúo que o teu razoamento é válido, pero non acabo de comprendelo-- Lmbuga / Conversa comigo 21:07, 30 decembro 2009 (UTC)
- ComentarioCreo que unha foto pode te-lo seu valor (para ilustrar un artigo) pero sen que teña méritos para ir á portada. Se facer comparacións odiosas, eu teño moitas fotos destas, normalitas, que nunca merecerían ser nominadas. Cumpren a súa función -que non é pouco- pero nada máis. Pedro --Lameiro (conversa) 23:42, 30 decembro 2009 (UTC)
- ComentarioDesculpa este comentario porque pode resultar insidioso, pero non é esa a intención. Intento suavizalo: Eu votei a favor de imaxes peores ca algunhas que eu realizara sobre un motivo: ¿Debería ter votado en contra? Inda é máis, eu subín imaxes que non son imaxes da semana mellores ca imaxes que contaron co meu voto, ¿debería ter votado en contra?
- Por outra banda, abonda con botar unha ollada ás imaxes de calidade de Commons para darse de conta de que hai (inda pensando nas miñas fotos, aquelas que foron imaxes da semana) imaxes mellores. Posto que esas imaxes foron propostas e aceptadas, entendo eu que hai que falar das imaxes en si, non comparalas con outras. Claro que -procuro suavizar máis- é unha opinión.
- Inda máis: As imaxes da semana non están reservadas ós usuarios da Galipedia, se iso pensas estás confundido. ¿Pensas que en Commons non hai mellores imaxes ca algunhas miñas que foron imaxes da semana? Agora ben, cando se propón unha imaxe, haberá que considerala en si, porque é o que temos nós aquí, non hai que considerar o que ti na túa casa tes. Perdoa, non entendo. Se tes tan boas imaxes, ¿porque non fas o favor de subilas? Se inda non as subiches, non as compares, amólate (o de que te amoles é un dicir).
- Vou tentar maxinar razoamentos que me parezan adecuados para votar en contra desta imaxe (quizais non sexa moi capaz, porque eu estaría a favor se eticamente puidese votar, pero non podo).
- A calidade non é motivo suficiente (se o fose, sería motivo, pero habería que dicir en que consiste). O primeiro que se me ocorre é que na portada deberían aparecer fotos de plantas no seu medio natural (razoamento respectable e co que concordaría se algunha vez tivese aparecido a imaxe dun herbario, pero como creo que é bo que algunha vez apareza a imaxe dun herbario -claro que non todos temos que concordar con iso-, cando menos unha vez cada cinco anos deberíase aprobar unha foto dese tipo).
- Outro motivo: A planta non é a máis adecuada... Amén, diso non entendo; lingüisticamente si o é, e ademais desde unha perspectiva lingüística temos pouca alternativa mellor.
- Terceira posibilidade: A imaxe é escaneada, non é unha fotografía (pois vale, non está escrito en ningún lado, pero non teño nada que dicir, só que estou en desacordo).
- Cuarto: O obxecto non ten interese (Amén. Sería a túa opinión, pero podería discutila se así a expresases; se non a expresas, non podo).
- Supoño que haberá máis motivos para votar en contra dunha imaxe que, por certo, escaneei eu mesmo, dunha colección realizada por un alumno do meu Centro e corroborada polos profesores de Ciencias Naturais, pero non as dou imaxinado cando a imaxe non é formalmente deficiente.
- Ti mesmo. Eu non entendo nada. Menos mal que isto me ocorre a min e non a outro usuario non habituado a non entender nada nesta páxina. -- Lmbuga / Conversa comigo 01:35, 31 decembro 2009 (UTC)
O que menos entendo é que os usuarios pasen por esta páxina e voten unha imaxe e ignoren tres. Para min, hai que mollarse, a vida consiste en mollarse. Polo menos podo dicir que ti te mollas, inda que non te comprendo -- Lmbuga / Conversa comigo 01:40, 31 decembro 2009 (UTC)
- Comentario Non podemos facer tan complicado isto de votar unha imaxe ou un artigo. Gusta ou non gusta, e iso abonda para a maioría dos que votamos. No meu caso, carezo de formación fotográfica, ¡que lle vou facer! Non entendo de técnicas, profundidades, equilibrios, luminosidade, etc. Só son quen de ve-lo conxunto e concluír se me gusta ou non. Voto a favor cando a foto me gusta ou me di algo (a simple oportunidade da foto e do fotógrafo tamén achegan puntos), e voto en contra cando non me gusta, ou non me enche o ollo, ou non me parece para tanto. E, neste caso, a fotografía non me parece merecedora de estar na portada.
- Se o usuario quere –só se quere- pode dar cantas explicacións queira, se ben é certo que ás veces esas explicacións axudan a mellorar e a aprender no futuro. Converter este acto en algo complicado e arriscado, sobre todo se o voto é negativo, só pode ter como consecuencia un maior retraemento dos usuarios en futuras votacións. Cando xa en por si nunca é agradable votar en contra, só me faltaba que agora veñan tirarme das orellas. Votar en contra nunca se pode interpretar como unha crítica ou descualificación ó autor, a quen a propuxo nin a ninguén.
- A decisión de votar –nun ou noutro sentido- ou de non votar é algo persoal que non podemos xulgar. Na vida hai que mollarse... quen queira mollarse e no que queira mollarse. Aquí todo o mundo é libre. E quen decida non votar terá as súas razóns e sempre terá o meu respecto. O mesmo respecto que esixo para min nos moitos casos en que decidín non votar o cando o faga no futuro. Pedro --Lameiro (conversa) 11:07, 31 decembro 2009 (UTC)
- Comentario Creo que dás no comezo do teu comentario con gran parte da raíz do problema que eu estou a crear criticando o xeito de votar doutros. Quizais teñas razón -pois tamén leo entre liñas- e eu estea a me pasar, pero comprende que a miña perspectiva pode ser diferente. Non se trata de saber de fotografía (precisamente eu son dos que menos sei, inda que se me atribúan coñecementos dos que carezo: posiblemente moitos de vos saibades o que é o "diafragma" e eu nin o teño claro nin podo empregar esa palabra, nunca ma escoitastes ata o de agora). Os meus coñecementos radican no expresado en Usuario:Lmbuga/Imaxes de calidade e son datos pillados e asimilados procedentes dunha páxina similar de Commons.
- O problema é que fan falta normas de votación (en Commons hainas). Calquera pode crealas e propolas, con todo creo que eu non debo facer tal cousa. Creo que non é adecuado que eu o faga porque se non se me incentiva para desenvolver outros labores é porque non é desexable que faga outros labores. Así de simple.
- Así a todo, non creo que poida resultar estraño que critique criterios absurdos (ó meu parecer) debidos á unha incrible ausencia de normas e/ou directrices. Máis ca probablemente seguirei a facelo, seguirei a facelo ata desaparecer do mapa, pois chegará un momento en que ninguén lerá o que digo.
- Por outra banda, maior retraemento do que hai na actualidade é complicado de enxergar: os usuarios só votan a favor e as imaxes rematan denegadas por ausencia de votos (mesmo sen votos en contra). Ti es dos valentes, pero poucos son valentes.
- ¿Complicar? Non, desculpa, eu non pretendo complicar. Complicado é o que se está a facer porque non se sabe que é o que se fai nin o que se debe facer. (Evito facer comentarios globais a este respecto).
- Dis A decisión de votar –nun ou noutro sentido- ou de non votar é algo persoal que non podemos xulgar. Pois vai a Commons e repara nas normas de votación de imaxes de calidade, de imaxes do día ou de imaxes relevantes (teñen tres votacións diferentes) e decataraste de que se poden esixir criterios para votar (por certo, eu só teño claras as directices das imaxes de cakidade).
- A pesar da disputa (que espero que sexa producente) e por encima dela, feliz ano-- Lmbuga / Conversa comigo 05:26, 1 xaneiro 2010 (UTC)
- Por certo, encantoume -dígoo sinceramente e sen ánimo de menosprezar- o do tirón de orellas. Gustoume por ser un argumento en si, por ser un argumento perfecto para afundir os meus criterios. Está moi logrado, pero eu non pretendía criticarte persoalmente, nin considerarte un crío, polo que desfacer esa manifestación aportando datos dunha realidade coma Commons, que é diferente, é algo bastante doado-- Lmbuga / Conversa comigo 06:02, 1 xaneiro 2010 (UTC)
- Comentario Eu non boto en falta normas de votación nin lagoas nas que hoxe temos. Semella que outros usuarios tampouco, xa que non hai queixas. Ti cres que hai problemas neste sentido, e graves, pero prefires non facer propostas de mellora. Pois ti mesmo: seguiremos como estamos.
- Evidentemente, poden parecerche absurdos os criterios de votación dos demais. Faltaría máis. E a ninguén pode parecerle absurdo que critiques todo o que creas criticable. Faltaría máis. O que si te pediría é que non utilices por escrito ese adxectivo cando exerzas o teu dereito á crítica. ¿Ou é que o absurdo son as normas de votación? Neste caso, non digo nada e non terías que evitar tal palabra, se cres que é a que cómpre aplicar.
- Dis que non se te incentiva para desenvolver outros labores. ¿De verdade cres que alguén ten que incentivarte ou desincentivarte? Aquí todos optamos libremente polo que queremos facer, o ámbito no que nos movemos máis a gusto. E benvida sexa calquera forma e grao de colaboración sen necesidade de que nos “incentiven”. Non entenderei nunca de onde sacas esa teima de que esa suposta falta de incentivos “é porque non é desexable que faga outros labores”.
- Galipedia organízase polas normas e políticas da Galipedia. Commons polas súas. Dáme a impresión de que Commons é máis adulta ca nós, e parabéns por iso. Pero somos cousas distintas, con pesos distintos e velocidades distintas.
- Pedro --Lameiro (conversa) 20:28, 1 xaneiro 2010 (UTC)
- Comentario Comprendo o que dis e creo que comprendo a túa perspectiva, que non é a mesma cá miña. A ver se consigo que comprendas o meu proceder.
Antes de nada indicarche que, se fere o emprego da palabra "absurdo", fere menos cós razoamentos que se están empregando ...e que o feito de que haxa imaxes sen ningún voto en contra que non sexan aprobadas pode ferir inda máis. Habería que estipular razoamentos adecuados e aceptables, facer unha listaxe deles coma en Commons e con explicacións clarificadoras.
Acabo de propor tres imaxes de Flickr. ¿Que imaxe cres que damos se con catro votos a favor e ningún en contra (sen obxección ningunha) non saen aprobadas? ¿Que cres que sinto eu intentando promocionar a Galipedia fóra dos seus ámbitos e vendo a posible sorpresa da xente cando digan "isto non é serio"?
Deixando iso á parte, vou ó que é para min o meollo do teu comentario:
Admito ter responsabilidades na Galipedia, pero non acepto facer nada por exclusiva iniciativa miña (agás crear categorías e galerías de imaxes). Non paro de repetir nas páxinas de usuarios (véxase a última conversa con Estevoaei) que non hai espazos exclusivos meus. Toda colaboración comigo é benvida sempre e cando o que colabora comigo sinta que colaboramos xuntos. Noutro tempo os administradores foron acusados de seren os donos da Wikipedia (eu non tería feito nin antes, nin moito menos agora, esa crítica). Eu era administrador e non quero que me volva suceder iso, nin sequera como usuario. Por respecto, por simple e puro respecto, se non hai un administrador que me apoie para facer algo (ou un usuario que mo pida), non o fago.
Por outra banda, non vou perder 20 ou máis horas de esforzo preparando unhas normas que só Prevert e mais eu (confúndeste cando dis que ninguén expresou críticas amais de min) consideramos convenientes.
¿Comerme o coco, traballar unha chea de horas, coa finalidade de discutir amargamente (vai ser amargamente, dado o tempo dedicado)? Non. Así non quero traballar.
Persoalmente considero que non pido tanto. Pido:
- Que os administradores (algún deles cando menos) apoien que traballe sobre o asunto
- Que ese administrador que me apoie teña a ben revisar un bocexo do meu traballo e comentar o que lle parece ben e o que lle parece mal.
- Que se me explique cómo facer unha proposta. Con isto alucinarás, pero o caso é que eu me dedicaba a Commons e nunca fixen unha proposta e non sei o procedemento para facelas (na Taberna non creo que sexa, pero ó mellor debe pasar por alí antes... eu que sei), inda que teño votado algunhas.
- Que, en caso de que non estean de acordo, me digan que non o ven necesario. Agora ben, isto non ocorrerá sempre (iso espero), porque eu podía estar revisando imaxes de Flickr, podía estar facendo estas normas, podía estar facendo normas de cesión de responsabilidades dos administradores a usuarios, podía propor un esquema para as categorías de imaxes... (pero ¿para que?, para que se pasen por alto as iniciativas que tomo e nin seguera se responda como ocorre habitualmente?)
Síntoo moito, pero sen ese apoio, non traballo. Diso falo cando falo de incentivar. Consiste simplemente en dicir parece interesante, por que non fas un bocexo de proposta e comentámolo?.
Cada día que pasa rexeito máis o traballar só, e o meu campo de traballo redúcese. Por exemplo, decidira non volver propor ningunha imaxe para imaxe da semana, estiven un tempo sen propor e sen sequera pasar por esa páxina. Salvo excepcións, non me animo a propor imaxe ningunha de usuarios da Galipedia por como están as cousas. Decidín volver propor porque creo que é bo para difundir a Galipedia o feito de que haxa imaxes externas que aparezan en portada e se faga publicidade do asunto facéndose saber nunha comunidade tan ampla como Flickr. Pero, vaites!, pódome encontrar cun usuario que vota en contra porque a imaxe provén de Flickr... e eu entón cagareime na Galipedia mil veces por non ter tirado de min o 100% da miña capacidade de traballo, e polo dano que se fai á imaxe da Galipedia no exterior.
Ben, como sexa, leas mentais miñas. Non pretendo ser cínico, pero isto xa me cansa, tes razón, teño que darche a razón, pois tes razón, semella preferible parta todos que eu pase de todo.-- Lmbuga / Conversa comigo 14:53, 2 xaneiro 2010 (UTC)
- Comentarios II
- Comentario Acabo por botarme a opinar : o valor enciclopedico dunha imaxe podese considerar diferente se é para ilustrar un artigo ou si é para levar a Portada. A calidade tecnica dunha imaxe ( e nesto confio en Lmbuga) é muy importante; non obstante a comunidade non decidiu si o maís importante para a Portada é a calidade de beleza ou de dar anhelo a cultiva-la cultura. O ideal seria de sempre ter os dous elementos. Os criterios d Portada de Commons son diferentes porque commons ten unha missión diferente. Pola miña banda non me gustaria ca comunidade tome a decision co criterio sexa a beleza porque penso que sodes poucos a dominar os criterios da beleza. Non obstante concordo que se aprobe unha Guía tal como esta o proxecto de Lmbuga, e estou lista para votar a favor. Eu leo un pouco de vez en cando e pouco a pouco aprenderei, non é facil formarse para apañar esa sabedoría, fai falla tempo para a xente coma mín, a quen lle gustan moito as imaxes sen discernir criterios de calidade. Lembra Lmbuga ca Galipedia ten moita sorte (comparada a outras WP) aproveitando o traballo fenomenal (cantida e calidade) que fas no campo das imaxes dende moitos anos. E digo e penso tranquilamente que hasta agora eres insubstituíble niste campo da Galipedia. Pola minha banda rematei con esta proposta e si estou a favor é coa loxíca de Lameiro, agás que non concordamos. Elvira (conversa comigo) 20:44, 2 xaneiro 2010 (UTC)
- Comentario Grazas Elvira. Síntome algo máis apoiado. Se cadra estes días intento facer algo ó respecto e preséntovolo a ti e a Prevert polo correo. Vou tardar, é complicado e hai que maduralo. Non se pode facer dun día para outro, mesmo penso que é unha proposta que pode tardar meses en ser madurada. Precisamente por iso fai falla xente que coma ti axude. Fan falla outras perspectivas que axuden a que unha proposta non se convirta despois nunha discusión interminable. Graciñas-- Lmbuga / Conversa comigo 00:13, 3 xaneiro 2010 (UTC)