Vicente Fraiz Andón
  | |
| Biografía | |
|---|---|
| Nacemento | 1859 Silleda, España |
| Morte | 1 de xullo de 1919 (59/60 anos) Santiago de Compostela, España |
| Datos persoais | |
| País de nacionalidade | España |
| Actividade | |
| Ocupación | pedagogo |
| Lingua | Lingua castelá |
Vicente Fraiz Andón, nado en Silleda en 1859 e finado en Santiago de Compostela o 1 de xullo de 1919, foi un mestre e pedagogo galego.
Traxectoria[editar | editar a fonte]
Logo de exercer algún tempo o maxisterio, marchou á Habana, onde realizou o doutoramento en Filosofía e Letras, organizou as ensinanzas do centro de ensino Concepción Arenal do Centro Galego e puxo en marcha diversas iniciativas a favor da cultura galega. Regresou a Galicia, fixando a súa residencia en Compostela, e gañou a praza de director da Escola Normal de Santiago de Compostela. Organizou o Certame Pedagóxico de 1906, o Congreso Nacional de Ensino Primario en 1909 e desenvolveu un amplo labor para a mellora das escolas rurais e de formación de mestres.
Vicente Fraiz presidiu a principios dos anos dez a comisión para obter recursos e achegas de cara á construción do monumento a Rosalía de Castro, que se inaugurou na Ferradura o 25 de xullo de 1917.
É autor dun número importante de obras relacionadas co ensino e colaborou en diversas publicacións pedagóxicas.
