Selena Rocky Malone
| Biografía | |
|---|---|
| Morte | 22 de maio de 2017  Rockhampton, Australia (en)  |
| Datos persoais | |
| País de nacionalidade | Australia |
| Actividade | |
| Ocupación | activista |
Selena "Rocky" Malone, finada en Rockhampton o 22 de maio de 2017, foi unha activista LGBT nativa australiana, con base en Brisbane.[1][2] Foi coordinadora e directora do Open Doors Youth Service (en galego, Servizo de Xuventude de Portas Abertas), e unha das fundadoras de IndigiLez, unha organización que traballa para apoiar ós aborixes LGBTQI e ós insulares do Estreito de Torres. Polo o seu activismo LGBTQI recibiu varios premios, e foi nomeada polo xuíz do Tribunal supremo de Queensland, Michael Kirby, como unha parte importante do movemento LGBTQI de Queensland.
Activismo político[editar | editar a fonte]
Malone comezou a súa implicación coas causas aborixes e LGBTI como Axente de Cooperación Aborixe e LGBTI dentro do Servizo de Policía de Queensland.[1] Estaba implicada en varias partes da comunidade de LGBTI australiana, incluíndo grupos comunitarios como PFLAG, Dykes on Bikes e a LGBTI Health Alliance (en galego, Alianza de Saúde do LGBTI). Foi unha das fundadoras de IndigiLez, unha organización que traballa para apoiar ós aborixes illados e ós insulares do Estreito de Torres na comunidade LGBTI.[3][2]
Durante varios anos, tamén formou parte do comité de xestión do Servizo Legal LGBTI.[4] No momento da súa morte, era a Directora Xeral e coordinadora do Open Doors Youth Service, unha organización que traballa en favor da xuventude LGBTI en risco.[5][1] Como tal, era unha parte importante da comunidade de LGBTI en Brisbane e Queensland.[6][7] Debido ao seu compromiso no Open Doors Youth Service, conseguiu o premio para o Mellor Servizo Comunitario no Festival do Orgullo de Brisbane. Tamén recibiu o premio para "Logro da Vida" postumamente no mesmo festival do Orgullo en 2017.[8]
Malone foi eloxiada polo seu activismo polas causas LGBTQI en varias ocasións.[2] En 2016, no Tribunal Supremo de Queensland, o ex-xuíz Michael Kirby nomeou a Malone especificamente cando enxalzou o traballo do Servizo Legal LGBTI.[9]
Vida persoal[editar | editar a fonte]
Fóra da escena política, Malone era xogadora activa da rugby league, e participou tanto con equipos rexionais como estatais, antes de ter que retirarse debido a unha lesión no seu xeonllo.[1]
Malone faleceu en maio de 2017, a causa dun accidente cunha motocicleta en Rockhampton, Australia.[1]
Notas[editar | editar a fonte]
- ↑ 1,0 1,1 1,2 1,3 1,4 "ABORIGINAL LGBTI ACTIVIST "ROCKY" PASSES AWAY".
- ↑ 2,0 2,1 2,2 "Remembering Indigenous LGBTIQ Activist Rocky Malone, One Year On". Q News. 2018.
- ↑ "Annual Report 2008/2009" (PDF). Arquivado dende o orixinal (PDF) o 24 de outubro de 2021. Consultado o 18 de marzo de 2021.
- ↑ "Lesbian Gay Bisexual Trans Intersex Legal Service Inc. Annual Report 2017".[Ligazón morta]
- ↑ "WITH THE RETURN OF CIVIL UNIONS, WHERE TO NOW FOR LGBTI RIGHTS IN QUEENSLAND?". 17 de decembro de 2015.
- ↑ "CC under pressure to axe Pride Festival funding". 2 de agosto de 2013.
- ↑ "Telstra Grant Open Doors to Technology". decembro de 2012.
- ↑ "THE QUEEN'S BALL, BRISBANE". 3 de xullo de 2017.
- ↑ "Selena "Rocky" Malone".