Leilía
| Leilía | |
|---|---|
 | |
| Orixe |  Galiza |
| Período | 1989 – 2023 |
| Xénero(s) | Música tradicional galega |
| Membros | Felisa Segade Montse Rivera Mercedes Rodríguez Patricia Segade Ana Rodríguez Rosario Rodríguez |
| Na rede | |
| http://www.leilia.net | |
          | |
Leilía é un grupo de pandeireteiras galegas nado no verán de 1989. Seu nome provén dun termo aplicado ao retrouso das cantigas populares.[1]
Traxectoria
Pertencen á xeración de mozos e mozas, ligados aos grupos folclóricos, que desde os anos oitenta percorreron as aldeas galegas recompilando músicas e bailes tradicionais. Mercedes Rodríguez, Montse Rivera e Felisa Segade facían parte da agrupación compostelá Cantigas e Agarimos. Felisa impartía, ademais, aulas de canto e pandeireta en Cacheiras. Alí entrou en contacto coas irmáns Ana e Rosario Rodríguez, e con elas configurouse o grupo no verán de 1989.[2]
En 1994, cos froitos das recollas de campo, publicaron o seu primeiro disco: Leilía. Un álbum de pouso etnográfico que mudou o panorama da música galega de raíz, pois até daquela esta asociábase principalmente á gaita, e non existían grupos de pandeireteiras que actuasen por si propias, separadas das formacións folclóricas.
A este primeiro traballo discográfico seguíronlle outros catro, e multitude de concertos, espectáculos e recoñecementos, nunha longa carreira de máis de trinta anos.[3]
En 2023, durante a xira Vidas Cantadas, anunciaron a súa despedida dos escenarios.[4]
Discografía
| Ano | Título | Detalles | Selo discográfico |
|---|---|---|---|
| 1994 | Leilía |
|
DiscMedi Blau |
| 1998 | I é Verdade, I é Mentira |
|
Virgin Records |
| 2003 | Madama |
|
DiscMedi Blau |
| 2005 | Son de Leilía |
|
Autoedición |
| 2011 | ConSentimento |
|
Fol Música |
Notas
- ↑ Regueira, Mario (2022-07-23). "Leilía: "Con 'Vidas Cantadas' fechamos un círculo de máis de 30 anos sobre os escenarios"". Nós Diario. Consultado o 2023-03-08.
- ↑ Dopico, Montse (2019-08-23). "“O principal mérito é que seguimos sendo as mesmas, crendo no mesmo que cando empezamos”". Praza Pública. Consultado o 2023-03-08.
- ↑ "Nós – Leilía". leilia.net. Consultado o 2023-03-09.
- ↑ "Leilía despídese dos escenarios após 34 anos". Nós Diario. 2023-03-07. Consultado o 2023-03-09.
