Informe Nunca Más
Co nome Nunca Más é coñecido o informe emitido pola Comisión Nacional sobre a Desaparición de Persoas (CONADEP) da Arxentina. É coñecido tamén co nome de "Informe Sabato" posto que foi o escritor Ernesto Sabato quen presidiu a comisión.
A comisión foi creada polo presidente da Arxentina Raúl Alfonsín o 15 de decembro de 1983. O obxectivo era esclarecer os feitos sucedidos no país durante a ditadura militar instaurada desde o ano 1976. A súa misión era a de recibir informes e denuncias sobre as desaparicións, os secuestros e as torturas acontecidos dentro daquel período a mans do réxime, e xerar informes a partir destes.
A comisión entregou o seu informe o 20 de setembro de 1984 ao Presidente da República, ese informe transformouse no libro Nunca Más, que o contén na súa totalidade.
Os seus membros
[editar | editar a fonte]A comisión estivo integrada ademais por Magdalena Ruiz Guiñazú, Ricardo Colombres, René Favaloro (quen despois renunciou), Hilario Fernández Long, Carlos T. Gattinoni, Gregorio Klimovsky, Marshall Meyer, Jaime F. de Nevares e Eduardo Rabossi, ademais dos deputados da Nación Santiago M. López, Hugo D. Piucill e Horacio H. Huarte.
Véxase tamén
[editar | editar a fonte]Outros artigos
[editar | editar a fonte]- Comisión Nacional sobre a Desaparición de Persoas
- Desaparecidos pola ditadura arxentina
- Desaparición forzada
- Detido desaparecido
- Guerra sucia na Arxentina
Ligazóns externas
[editar | editar a fonte]- Informe Nunca Más Arquivado 31 de maio de 2012 en Wayback Machine.
