Depresión Central Catalá

Depresión Central Catalá
Tipo	Depresión
Localización
División administrativa	Cataluña, España
	41°50′N 1°11′L / 41.83, 1.18

Unidades morfoestruturais de Cataluña:

Pireneo Prepireneo **Depresión Central** Pequenas estribacións na Depresión Central Cordilleira Transversal Cordilleira Prelitoral Cordilleira Litoral Depresións litoral e prelitoral e outras chairas costeiras

A Depresión Central (en catalán: Depressió Central) é unha chaira situada no centro de Cataluña, que ocupa o sur da provincia de Lleida e o centro da de Barcelona. Esténdese entre o Prepireneo e as Cordilleiras Costeiras, abríndose cara a poñente, onde enlaza coa Depresión do Ebro como a súa prolongación oriental.

Características

Dende o punto de vista físico trátase dunha sucesión de altiplanos de entre 800 e 1000 metros de altitude que van perdendo altura (ata os 100 metros) cara ao oeste ata chegar ao Val do Ebro. Limitando estas alturas, esténdense concas de erosión que foron escavando os ríos ao atopar materiais brandos como arxilas ou margas, como é o caso da chaira do Bages e da Conca de Barberà-

Os límites da Depresión Central varían segundo se os consideramos dende o punto de vista do relevo ou da súa formación, xa que algúns macizos como o de Montserrat ou Sant Llorenç del Munt, xeograficamente situados na Cordilleira Prelitoral, están formados por materiais formados na mesma época que os da Depresión Central coa que están en contacto, depositados enriba das rochas máis antigas do Sistema Mediterráneo.

Véxase tamén

Outros artigos