Cordilleiras Costeiras Catalás
| Pireneo Prepireneo Depresión Central Pequenas estribacións na Depresión Central | Cordilleira Transversal Cordilleira Prelitoral Cordilleira Litoral Depresión Litoral e Prelitoral e outras planícies costeiras |
O Sistema Mediterráneo Catalán, tamén coñecido como as Cordilleiras Costeiras é un sistema dual de aliñacións montañosas paralelas, a Cordilleira Prelitoral e a Cordilleira Litoral, situadas na comunidade autónoma de Cataluña.[1]
Descrición[editar | editar a fonte]
As dúas cadeas que forman o sistema están separadas por unha fosa tectónica coñecida como a Depresión Prelitoral. A Cordilleira Prelitoral é a aliñación interior, que se estende desde a desembocadura do Ter ata o Montsià, e presenta os puntos máis altos do conxunto do Sistema. O Montseny, é o pico máis alto, con 1.712 m. de altitude. A Cordilleira Litoral, por contra, é a aliñación exterior, paralela á costa, que se estende desde o Empordà ata o Campo de Tarragona, e as súas altitudes son menores. O Montnegre é o punto máis alto con 763 m. de altitude.
O Sistema Mediterráneo Catalán é dicir - as dúas cordilleiras de xeito paralelas - esténdese de suroeste a nordeste ata unirse co contrafuertes dos Pireneos que se estenden desde o mar Mediterráneo cara ao oeste. De feito, os Pireneos e o Sistema Mediterráneo Catalán enmarcan unha área interior máis chaira coñecida como a Depresión Central Catalá.
Xeoloxía[editar | editar a fonte]
Xeoloxicamente o sistema é moi complexo. É o resultado do levantamento tectónico dun antigo macizo dunha lonxitude de máis de 300 km. Diferéncianse dous grandes sectores cuxa liña divisoria é o río Llobregat. O sector do norte está constituído por materiais paleozoicos e cristalinos, mentres que o sector do sur está formado por sedimentos mesozoicos e terciarios.
Unidades de relevo[editar | editar a fonte]
Transversalmente, o Sistema Mediterráneo pódese dividir en tres unidades:
- os relevos setentrionais, que se estenden do Empordà ao Llobregat,
- os relevos centrais, do Llobregat ao Ebro, e
- os relevos meridionais, do baixo Ebro ata o río Millars na Comunidade Valenciana.
Notas[editar | editar a fonte]
- ↑ "Cordillera Costero-Catalana" (en castelán). Arquivado dende o orixinal o 18 de febreiro de 2017. Consultado o 17 de febreiro de 2017.
