Anticorpo anticentrómero
Os anticorpos anticentrómero son autoanticorpos específicos para o centrómero e o cinetocoro. Aparecen nalgunhas doenzas autoinmunes, frecuentemente na escleroderma sistémica limitada (antes chamada síndrome CREST), e ocasionalmente na forma difusa de escleroderma. Son raros noutras doenzas reumáticas e en persoas sas.
Os anticorpos anticentrómero encóntranse en aproximadamente o 60 % dos pacientes de escleroderma sistémica limitada e no 15 % dos que teñen a forma difusa de escleroderma. A especificidade do test para estes anticorpos é de >98 %. Así, o descubrimento dun resultado positivo para anticorpos anticentrómero suxire fortemente un caso de escleroderma sistémica limitada. Os anticorpos anticentrómero están presentes nos inicios do curso da doenza e son moi preditivos da afectación cutánea limitada e unha menor probabilidade da implicación agresiva dun órgano interno, como na fibrose pulmonar.[1]
Cando están presentes nunha cirrose biliar primaria, estes anticorpos indican un prognóstico de hipertensión portal e os niveis séricos de anticorpos anticentrómero correlaciónanse coa gravidade da hipertensión portal.[2]
-
![Principais padróns de inmunofluorescencia de anticorpo antinuclear[3]](//upload.wikimedia.org/wikipedia/commons/thumb/d/d9/Main_antinuclear_antibody_patterns_on_immunofluorescence.png/246px-Main_antinuclear_antibody_patterns_on_immunofluorescence.png)
Principais padróns de inmunofluorescencia de anticorpo antinuclear[3] -
Representación esquemática dun anticorpo
![Principais padróns de inmunofluorescencia de anticorpo antinuclear[3]](/wiki/Ficheiro:Main_antinuclear_antibody_patterns_on_immunofluorescence.png)
Notas[editar | editar a fonte]
- ↑ JB Imboden, DB Hellmann, JH Stone. Current Rheumatology Diagnosis & Treatment, Second Edition. McGraw-Hill, 2007.
- ↑ Nakamura M; Kondo H; Mori T; et al. (2007). "Anti-gp210 and anti-centromere antibodies are different risk factors for the progression of primary biliary cirrhosis". Hepatology 45 (1): 118–27. PMID 17187436. doi:10.1002/hep.21472.
- ↑ Al-Mughales JA (2022). "Anti-Nuclear Antibodies Patterns in Patients With Systemic Lupus Erythematosus and Their Correlation With Other Diagnostic Immunological Parameters.". Front Immunol 13: 850759. PMC 8964090. PMID 35359932. doi:10.3389/fimmu.2022.850759.
Pequenas modificacións de Mikael Häggström, MD
- Attribution 4.0 International (CC BY 4.0) license
