Ana Urchueguía
| Nome orixinal | (es) Ana María Urchueguía Asensio  |
|---|---|
| Biografía | |
| Nacemento | 9 de outubro de 1952 (72 anos) Donostia, España |
 Senadora de España | |
| 9 de xuño de 1993 – 23 de xaneiro de 1996 Circunscrición electoral: Gipuzkoa (en)  | |
 Xuntas Xerais de Guipúzcoa | |
| 4 de xullo de 1987, 2 de xullo de 1999 – 16 de xullo de 1994, 23 de xaneiro de 2001 Circunscrición electoral: Donostialdea | |
 Alcaldesa de Lasarte-Oria | |
| 15 de febreiro de 1986 – 1 de marzo de 2010 | |
| Actividade | |
| Lugar de traballo | Madrid |
| Ocupación | política |
| Partido político | Partido Socialista Obrero Español |
| Membro de | |
Ana María Urchueguía Asensio, nada en Donostia o 9 de outubro de 1952, é unha política vasca de ideoloxía socialdemócrata. Foi a primeira Alcaldesa de Lasarte-Oria tras a súa constitución como concello independente en 1986 Durante tres lexislaturas foi xunteira nas Xuntas Xerais de Guipúscoa. Foi senadora durante a V Lexislatura. Tamén foi Delegada do País Vasco en Chile e o Perú de 2010 a 2013.
Traxectoria política
[editar | editar a fonte]Con 27 anos, ocupou o seu primeiro cargo institucional como concelleira no concello de Hernani nas primeiras eleccións municipais democráticas, naquela época, gran parte do actual concello de Lasarte-Oria pertencía ó termo municipal de Hernani.
O 31 de xaneiro de 1986, as Xuntas Xerais de Guipúscoa aprobaron constituír o municipio de Lasarte-Oria, segregando parte dos termos municipais de Hernani, Andoain e Urnieta. A Deputación Foral de Guipúscoa nomeou unha comisión encabezada por Ana Urchueguía para que gobernase o novo municipio até as seguintes eleccións municipais. Finalmente a política socialista gobernou durante 24 anos despois de gañar seis eleccións seguidas.
Durante a súa traxectoria como alcaldesa sufriu de preto a violencia de ETA, especialmente cando o seu compañeiro de partido e primeiro tenente alcalde Froilán Elespe foi asasinado pola banda armada o 21 de marzo de 2001.
No 2010, renunciou ó seu cargo de alcaldesa ó ser nomeada Delegada do País Vasco en Chile e Perú, cargo do que cesou en 2013 tras ser desaloxado o seu partido, o PSE, do Goberno Vasco.[1][2]
Notas
[editar | editar a fonte]- ↑ Urchueguía será delegada de la SPRI en Chile y dejará la Alcaldía de Lasarte-Oria, Diario Vasco, 23 de febreiro de 2010
- ↑ El Gobierno vasco cesa a los delegados internacionales nombrados por López, El Correo, 8 de xaneiro de 2013