Alex English

Alex English
	;
Biografía
Nacemento	5 de xaneiro de 1954 (72 anos); Columbia
Residencia	Carolina do Sur ; Columbia
Educación	Universidade de Carolina do Sur ; Dreher High School (en)
Altura	201 cm
Peso	86 kg
Actividade
Ocupación	baloncestista, adestrador, adestrador de baloncesto, actor
Período de actividade	1976 - 1992
Membro de	Kappa Alpha Psi (en)
Nacionalidade deportiva	Estados Unidos de América
Deporte	baloncesto
Liga	Baloncesto masculino da División I da NCAA e National Basketball Association
Posición de xogo	Ala
Convocado por	Milwaukee Bucks
–
Traxectoria
Premios
	(1988) J. Walter Kennedy Citizenship Award (pt) ;

Alexander English, nado o 5 de xaneiro de 1954 en Columbia, Carolina do Sur, é un ex xogador profesional de baloncesto estadounidense da década dos oitenta e o actual adestrador asistente dos Toronto Raptors da National Basketball Association (NBA). Foi o máximo anotador da década de 1980 con 19.682 puntos.

Xogaba na posición de aleiro, e destacou sobre todo no aspecto anotador. Toda a súa carreira profesional transcorreu na NBA, salvo o último ano, que o fixo na LEGA italiana. Oito veces All-Star, o seu dorsal 2 foi retirado polos Denver Nuggets, e foi eleixido para formar parte do Basketball Hall of Fame.

Traxectoria

Universidade

A súa vida universitaria transcorreu na súa terra natal, na Universidade de Carolina do Sur, onde fixo en catro anos 17,8 puntos e 9,6 rebortes por partido. Foi titular do seu equipo en todos e cada un dos 111 partidos que disputou como colexial, e converteuse no máximo anotador de toda a historia da súa universidade. A súa camiseta co número 22 foi retirada en homenaxe á súa traxectoria.

Profesional

Foi elixido na sexta posición da segunda rolda (23º total) do Draft da NBA de 1976 polos Milwaukee Bucks, onde apenas dispuxo de minutos de xogo, e non puido demostrar a súa valía. Foi traspasdo aos Indiana Pacers, onde en apenas tempada e media fíxose un nome na liga, e comezou a despuntar, terminando de facelo nos Denver Nuggets, onde ao longo de dez tempadas liderou sempre ao seu equipo en anotación, e conseguiu ser o máximo anotador da NBA na tempada 1982-83. Acabou a súa carreira en Italia, no Depi Napoli, onde xogou 18 partidos, promediando, aos seus 38 anos, 13,9 puntos e 4,8 rebotes por partido. As súas estatísticas tras 15 tempadas na NBA foron de 21,5 puntos e 5,5 rebotes.

Equipos

Logros persoais

Elixido no segundo mellor quinteto da NBA en tres ocasións.
Elixido para o All-Star Game en 8 ocasións.
Máximo anotador da NBA en 1983.
Máximo anotador da década dos 80, con 19 682 puntos.
Primeiro xogador da historia en anotar máis de 2 000 puntos en oito tempadas consecutivas.
A súa camiseta co número 2 foi retirada por Denver como homenaxe.
Membro do Basketball Hall of Fame dende 1997.

Véxase tamén

Ligazóns externas

Perfil histórico en nba.com
Estatísticas da súa carreira como xogador Arquivado 09 de maio de 2012 en Wayback Machine.
Perfil de Alex English no Basketball Hall of Fame