¿Hay alguien ahí? é o oitavo disco que a banda ourensá de Los Suaves publicou, e o segundo en directo. Foi gravado durante os concertos da xira 1994–1996 e mesturado nos Estudios Kiros durante o mes de setembro de 1995.
O curioso deste álbum é que se publicaron tres edicións: un triplo CD, un dobre CD (no que se eliminou o terceiro CD que fora gravado nun concerto especial nos estudios Kirios con temas que non formaban parte do repertorio habitual) e unha edición sinxela de 11 temas dun só disco. Este último debeuse a unha denuncia entre discográficas, que obrigou a Polygram a publicar unha versión do álbum cos temas da banda da súa etapa na compañía.
