Marcelino Fernández Mallo

Marcelino Fernández Mallo
	;
Biografía
Nacemento	1961 (62/63 anos); A Coruña, España
Datos persoais
País de nacionalidade	España
Educación	Universidad Nacional de Educación a Distancia ; IMD Business School
Actividade
Ocupación	economista , escritor
Lingua	Lingua castelá e lingua galega
Familia
Fillos	María Fernández Longueira

Marcelino L. Fernández Mallo, nado na Coruña en 1961, é un economista e escritor galego.

Traxectoria[editar | editar a fonte]

Marcelino Fernández Mallo é un economista e escritor cunha fonda preocupación pola situación económica e social de Galicia. Licenciado en Ciencias Económicas e Empresariais pola UNED, obtivo o seu MBA na IMD Business School de Lausana (Suíza). Desenvolveu a meirande parte da súa carreira profesional no sector financeiro galego desenvolvendo labores executivas. Entre elas, creou e dirixiu o Departamento de Estudos de Caixa Galicia onde empezou a afondar no coñecemento da economía galega. Dende 2011 exerceu como consultor independente en sectores como a automocíón, o téxtil, o software ou a alimentación.

Colabora como articulista en Radio Galega, Vieiros, Xornal de Galicia, Economía digital, Galicia Confidencial e Nós Diario. Fondamente preocupado polo medio rural galego, a necesidade de aplicar outra política de desenvolvemento agrario constitúe unha das súas constantes chamadas e reclamacións como se reflicte, por exemplo, en “SOS Rural Galego” (Vieiros, 2007) ou en “Galicia, de paisaje natural a inmenso eucaliptal” (Mundiario, 2017).