Dinoseto
Coordenadas: 42°14′17″N 8°43′32″O / 42.238116666667, -8.7255416666667
| Dinoseto | |
|---|---|
 Dinoseto | |
| Presentación | |
| Localización | Vigo |
| Tipo | Escultura |
| Construción | |
| Data da construción | 2000 |
O Dinoseto é un arbusto con forma de dinosauro que se exhibe no centro da cidade de Vigo.[1]
Historia[editar | editar a fonte]
A súa primeira localización foi na rúa Rosalía de Castro da cidade debido a unha equivocación da empresa encargada da súa instalación, xa que debía situarse de xeito inicial nun parque infantil situado na parroquia de Navia,[2] nos arrabaldes da cidade. Porén, o Dinoseto converteuse de xeito inmediato nun éxito nas redes sociais, o que provocou que se situase de xeito permanente no casco urbano da cidade, concretamente na céntrica Porta do Sol. É neste lugar onde se pode visitar actualmente e no que se converteu nunha das grandes atraccións turísticas da cidade, converténdose en tradición que os turistas se fagan un selfie na plataforma que se atopa situada ó carón da escultura,[3] como foi o caso de Pedro Sánchez, candidato por aquel intre á presidencia do goberno español polo Partido Socialista Obrero Español nas eleccións xerais do ano 2016, durante a súa visita á cidade no mes de maio do mesmo ano,[4] ou os músicos Luis Fonsi e James Rhodes,[5] no 2017 e 2018 de xeito respectivo.
Como consecuencia da súa popularidade, o Concello de Vigo colocou novos sebes con forma de dinosauro, como é o caso do Rinoseto (con forma de triceratops en Navia)[6] ou o do Dinosetiño, situado ó carón do Dinoseto orixinal na Porta do Sol da cidade.[7]
Videoxogo[editar | editar a fonte]
Debido á popularidade do Dinoseto na cidade de Vigo e nos concellos da súa área de influencia, en xaneiro do ano 2017 e após un ano de traballo, o enxeñeiro redondelán Xavier Souto rematou o desenvolvemento do videoxogo Dinoseto vs The World, que consiste en evitar obstáculos mentres o usuario manexa o Dinoseto por diversos escenarios da cidade de Vigo. O xogo está actualmente dispoñíbel de balde para o sistema operativo Android.[8]
Galería de imaxes[editar | editar a fonte]
-
O Dinoseto na súa plataforma. -
O Tricesetops de Navia.
Notas[editar | editar a fonte]
- ↑ Redacción (19 de xuño do 2015). "O Dinoseto adorna a Praza da Princesa en plena Porta do Sol". Atlántico Diario (Rías Baixas Comunicación). Consultado o 13 de xaneiro do 2019.
- ↑ "O ´dinoseto´ temporal de Vigo". Faro de Vigo. Consultado o 19 de maio do 2015.
- ↑ "O Dinoseto, a escultura inesperada que xa é o rei do 'selfie' en Vigo". A información. Arquivado dende o orixinal o 24 de setembro de 2017. Consultado o 8 de setembro do 2015.
- ↑ "O «icónico» Dinoseto conquista a Pedro Sánchez". A Voz de Galicia. Arquivado dende o orixinal o 27 de novembro de 2016. Consultado o 15 de xaneiro de 2020.
- ↑ "James Rhodes, "emocionado" co Dinoseto". Faro de Vigo. Consultado o 5 de xullo do 2018.
- ↑ "O "Rinoseto" xa durmiu en Navia". Faro de Vigo. Consultado o 24 de outubro do 2015.
- ↑ "O Concello abrirá un concurso para bautizar o dinosetiño". A Voz de Galicia. Consultado o 22 de outubro do 2016.
- ↑ "Dinoseto xa ten o seu propio videoxogo". Faro de Vigo. Consultado o 11 de xaneiro do 2017.
Véxase tamén[editar | editar a fonte]
 |
Wikimedia Commons ten máis contidos multimedia na categoría: Dinoseto |
 |
A Galipedia ten un portal sobre: Vigo |