Desideria Clary

Desideria Clary

Nome orixinal	(sv) Eugenia Bernhardina Desideria (fr) Bernhardine Eugénie Désirée Clary (fr) Désirée Clary
Biografía
Nacemento	(fr) Bernhardine Eugénie Désirée Clary 8 de novembro de 1777 Marsella, Francia
Morte	17 de decembro de 1860 (83 anos) Estocolmo, Suecia
Lugar de sepultura	Riddarholmskyrkan 59°19′29″N 18°03′53″L
Rainha consorte da Suécia (pt)
5 de febreiro de 1818 – 8 de marzo de 1844 ← Hedvig de Holstein-Gottorp (pt) – Xosefina de Leuchtenberg →
Datos persoais
País de nacionalidade	Francia Suecia
Relixión	Igrexa católica
Actividade
Ocupación	consorte
Lingua	Lingua francesa
Outro
Título	Crown princess (en) Raíña consorte
Familia	Clary family (en)
Cónxuxe	Carlos XIV Xoán de Suecia (1798–)
Fillos	Óscar I de Suecia
Pais	François Clary (pt)   e Françoise Rose Clary (pt)
Irmáns	Xulia Clary, Joseph Nicolas Clary (pt) e Étienne François Clary (pt)
Premios  Orde de Santa Catarina
Sinatura

Bernardine Eugénie Désirée Clary (en galego Bernardina Euxenia Desideria Clary), nada en Marsella o 9 de novembro de 1777 e finada en Estocolmo o 17 de decembro de 1860, foi raíña consorte de Suecia e Noruega, desde 5 de febreiro de 1818 ao 8 de marzo de 1844, polo seu casamento co mariscal de Francia Jean-Baptiste Bernadotte, que fora elixido en 1810, polo parlamento de Suecia, como príncipe herdeiro do ancián rei Carlos XIII, sendo afillado por este; tras a morte do monarca, Bernadotte accedeu o 5 de febreiro de 1818 ao trono da unión de Suecia e Noruega.

Traxectoria

Desgusto con Napoleón

Desideria, retratada por François Gérard en 1810. Museo Marmottan, París, Francia.

Desideria era filla dun rico comerciante de seda de Marsella, François Clary, e da súa segunda esposa, Françoise Rose Somis.

A súa irmá Julie casou, en 1794, con Xosé I Bonaparte, irmán máis vello de Napoleón e rei de España.

O 21 de abril de 1795 Napoleón comprometeuse oficialmente con Desideria.

Porén tras o encontro de Napoleón con Xosefina de Beauharnais en París (o 15 de outubro de 1795) e pola presión dun amigo de Napoleón,^{[Cómpre referencia]} Paul Barras, o primeiro rompeu o seu compromiso de matrimonio con Desideria para desposar a Xosefina.

Desideria levou moi mal a súa ruptura, sentimento que quedou claramente plasmado nunha das súas citas máis coñecidas:

Fixeches a miña vida miserábel, pero son abondo débil para perdoarte.

Matrimonio

Carlos XIV Xoán, esposo de Desideria, por François Gérard (1811).

Tumba de Desideria, na Riddarholmskyrkan.

O 17 de agosto de 1798 Desideria casou en Sceaux, cerca de París, co mariscal de Francia Jean-Baptiste Bernadotte,

Durante as frecuentes ausencias de Bernadotte, debido ás guerras napoleónicas, albergaba na súa casa de París tertulias literarias, converténdose nunha dama moi popular.

Dous anos despois de que o seu marido fora nomeado príncipe real (herediro) de Suecia, viaxou a Estocolmo, onde permaneceu dous anos (1810-1811), pero despois volve a París.

Bernadotte sobe definitivamente ao trono en 1818 como Carlos XIV Xoán, e Desideria incorporouse á corte en 1823, desempeñando un modesto papel, como raíña consorte, coñecida como Desideria.

Á morte do rei o 8 de marzo de 1844, o fillo de ambos sobe ao trono de Suecia e Noruega como Óscar I.

O seu nome na dinastía Bernadotte

Desideria foi moi popular en Suecia, e os suecos recórdana con cariño.

A terceira irmá do actual rei de Suecia (Carlos XVI Gustavo), a princesa Desideria, ten ese nome en honor a ela.

Así mesmo a actual herdeira do trono, Vitoria, leva como cuarto nome o de Désirée en honor á primeira da súa dinastía.

Antepasados de Desideria

16. Antoine Clary

8. Jacques Clary

17. Marguerite Canolle

4. Joseph Clary

18. Angelin Barosse

9. Catherine Barosse

19. Jeanne Pélissière

2. François Clary

20. David Ammoric

10. François Ammoric

21. Magdalene Chabrande

5. Françoise Agnès Ammoric

22. Maurice Boisson

11. Jeanne Boisson

23. Gabrielle Bouquette

1. Désirée Clary

24. François Somis

12. Jean Louis Somis

25. Françoise Chiosio

6. Joseph Ignace Somis

26. Antoine Christophe Bouchard

13. Françoise Bouchard

27. Catherine Martel

3. Françoise Rose Somis

28. Louis Soucheiron

14. François Soucheiron

29. Claire Tolode

7. Catherine Rose Soucheiron

30. César Cautier

15. Anne Cautier

31. Thérèse Amauric

Filmografía

• Le Destin fabuleux de Désirée Clary (1942), dirixida por Sacha Guitry. Con Geneviève Guitry e Gaby Morlay.
• Désirée (1954), dirixida por Henry Koster. Con Marlon Brando, Jean Simmons (como Desideria) e Merle Oberon.
• Napoleón (1955), dirixida por Sacha Guitry. Desideria está interpretada por Dany Robin.

Predecesor: Carlota de Holstein-Gottorp

Raíña Consorte de Suecia 1818 – 1844

Sucesor: Xosefina de Leuchtenberg

Véxase tamén

Ligazóns externas

• Genmarenostrum.
• The story of Desiree (en alemán).