Dasometría
A dasometría é a parte da dasonomía (ciencia dos bosques) que se ocupa da aplicación de métodos estatísticos para a procura de solucións a problemas asociados coa existencia, crecemento e manexo de bosques.
Esta ciencia divídese en catro partes:
- A dendrometría. Trata da medida das dimensións da árbore, do estudo da súa forma e da determinación do seu volume.
- A estereometría da masa, que trata das estimacións métricas e o cálculo do volume da masa forestal, entendida esta como conxunto de árbores que conviven nun espazo común.
- A epidometría, que trata as técnicas de medición e as leis que regulan o crecemento e produción das árbores e masas forestais.
- O inventario forestal, que ocúpase de describir a situación actual do bosque, como punto de partida para a planificación e a toma de decisións.
Nalgúns países como en España, considérase a disciplina que se ocupa das medicións forestais, diferenciándoa do inventario forestal, que se entende como materia diferente. Noutros países, o habitual é considerar, tanto a dasometría como o Inventario Forestal como unha única materia de estudo, chamándoa tamén "biometría forestal".
Así os franceses e italianos utilizan o vocábulo “dendrometrie” e “dendrometria” respectivamente para facer referencia á disciplina que engloba ambas as materias. Os anglosaxóns “Forest Mensuration” e os alemáns “Holzmesskunde”, utilizan a denominación de “Medicións forestais” para denominar estas disciplinas nos seus respectivos idiomas, do mesmo xeito que os países de fala portuguesa, que a denominan "Mensura Forestal".
Véxase tamén[editar | editar a fonte]
Outros artigos[editar | editar a fonte]
Ligazóns externas[editar | editar a fonte]
- Prodan, Michail (1997). Mensura forestal. Agroamérica. ISBN 9290393041.
- Pita Carpenter, Pio A. (1984). Apuntes de Dasometría Tomo I. Servicio Publicaciones E.U.I.T. Forestal (Universidad Politécnica de Madrid).
- López Pena C. “Tema 1 - Introdución a la Dasometría” Arquivado 21 de xuño de 2020 en Wayback Machine. OpenCourseWare, Universidade Politécnica de Madrid, 2008. Arquivado en Internet Archive