A bandeira de Tailandia está formada por cinco franxas horizontais de cor vermella, branca, azul, branca e vermella. A anchura da franxa azul, a central, é de dobre tamaño respecto ás restantes. As cores vermella, branca e azul simbolizan a nación, a relixión e o monarca ("Nación, Relixión, Monarca" é un lema non oficial). A versión actual da bandeira adoptouse o 28 de setembro de 1917. En tailandés, a bandeira nacional coñécese como ธงไตรรงค์ (“Thong Trairong”) que significa bandeira tricolor.