Víctor Basadre

Víctor Basadre

Biografía
Nacemento	26 de febreiro de 1970 (54 anos) Lugo, España
Datos persoais
País de nacionalidade	España
Actividade
Ocupación	futbolista , adestrador de fútbol
Período de actividade	1999 -
Lingua	Lingua castelá
Deporte	fútbol
Traxectoria   Equipo - Fútbol Club Cartagena

Víctor Manuel Basadre Orozco, nado en Lugo o 18 de febreiro de 1970, é un adestrador de fútbol galego.

Traxectoria

Tras unha breve carreira como futbolista que comezou no Sociedade Ximnástica Comercial-Estudantes de Lugo comezou o seu labor como técnico. Os seus primeiros equipos foron da Segunda División B e da Terceira galega coma a SD Castroverde ou a SD Quiroga.

Na tempada 1997/98 ficha polo Real Murcia como segundo adestrador e ao ano seguinte faise cargo do filial durante un ano. En 1999 volve a Galiza para dirixir ao CD As Pontes e ao CD Lugo durante uns poucos encontros.

Na tempada 2004-05 pasa a formar parte do equipo técnico do Lorca Deportiva CF, primeiro adestrando nas categorías inferiores e sendo o segundo adestrador de Unai Emery. Na tempada 2004/05 fíxose cargo do primeiro equipo co obxectivo de acadar a salvación trala destitución de José Aurelio Gay e José María Salmerón, porén o equipo rematou descendendo a Segunda División B.

Ao ano seguinte pasa a adestrar ao Murcia Deportivo Club de Fútbol na Terceira División, antes de que Unai Emery o chamase para ser o segundo adestrador do Valencia CF na tempada 2009/10.

Na tempada 2010/11 adestrou o Puente Tocinos de Terceira División, que rematou perdendo a categoría. En xullo de 2011 fíxose cargo do equipo Xuvenil C do Real Murcia

Clubs

Ano	Club
	SD Castroverde
	SD Quiroga
	2º Adestrador CP Mérida
	UD Xove Lago
	Mindoniense
1997-1998	2º Adestrador Real Murcia
1998-1999	Real Murcia B
1999-2000	CD As Pontes
2000-2001	CD Lugo
2001-2002	SD Noja
2002-2003	Caravaca CF
2004-2008	Lorca Deportiva CF
2008-2009	Murcia Deportivo CF
2009-2010	Axudante Valencia CF
2010-2011	FC Puente Tocinos
2011-	Xuvenil C Real Murcia