Touki Bouki

Touki Bouki
Ficha técnica
Título orixinal	Touki Bouki
Director	Djibril Diop Mambéty
Guión	Djibril Diop Mambéty
Intérpretes	Magaye Niang Mareme Niang Aminata Fall Ousseynou Diop
Música	Josephine Baker Mado Robin Aminata Fall
Fotografía	Pap Samba Sow
Montaxe	Siro Asteni Emma Mennenti
Estudio	Cinegrit Studio Kankourama
Distribuidora	International Film Circuit
Estrea	1973
Duración	95 minutos
Orixe	Senegal
Xénero	Drama
Na rede

Touki Bouki, que podería traducirse ao galego como A viaxe da hiena, é un filme senegalés, de 1973, dirixido por Djibril Diop Mambéty, e que está considerado como un clásico do cinema africano.

Sinopse

O pastor marxinal Mory e mais a súa amante Anta, unha universitaria rebelde que viste de xeito masculino, queren marchar do Senegal deixando atrás a súa vida tradicional. Para iso necesitan cartos que non teñen, e farán todo tipo de argallas para conseguilos. Subidos nunha moto ao Easy Rider, que ademais leva no guieiro unha cornamenta de vaca, acabarán por roubarlles roupa e diñeiro a uns señoritos da burguesía de Dakar. Con eses cartos e vestidos estrafalariamente tentarán subir a un transatlántico que os leve a París. Pero na escada de subir el arrepíntese e volve para recuperar a moto esquecida. Finalmente, só ela marchará a Europa.

Personaxes

• Aminata Fall como Tía Oumy
• Ousseynou Diop como Charlie
• Magaye Niang como Mory
• Mareme Niang como Anta

Relevancia

O filme Touki Bouki representa un fito na historia do cinema africano. Ademais da consistencia da produción e do emprego da cor, pouco común no tempo e na latitude, a obra explora camiños moi distintos aos que daquela seguira o cinema africano. A súa forma de narrar simbolista, a súa mestura de comedia e drama, a presenza da homosexualidade , os movementos da cámara, con longuísimos travellings ou os espidos femininos son sorprendentes para o contexto. Pódese considerar un filme do subxénero de escapadas, pero tamén unha ollada conservadora e anticolonial. Non se estreou en Europa ata 1986.

Véxase tamén

Ligazóns externas

• Ficha na IMDb (en inglés)