Martín Expósito
Biografía | |
---|---|
Nacemento | 1980 (43/44 anos) Madrid, España |
Datos persoais | |
País de nacionalidade | España |
Educación | Universidade Complutense de Madrid |
Actividade | |
Ocupación | xornalista |
Lingua | Lingua castelá |
Páxina web | martinexposito.es |
Martín Expósito Sacristán, nado en Madrid en 1980, é un periodista español. Naceu e creceu no madrileño barrio de Vallecas, onde segue residindo na actualidade. Traballou na Emisora Onda Cero Radio, no programa La Rosa de los Vientos de Juan Antonio Cebrián.
Traxectoria[editar | editar a fonte]
Comezou a súa andaina no mundo da radio un verán de 1994, da man de Suso Pardeiro, con A toda marcha, programa coral confiado pola emisora de Radio Valadouro a tres mozos con ganas de aprender.
A experiencia fíxolle ver que o seu futuro estaba no mundo da radio, polo que, tralo seu paso polo Colexio Raimundo Lulio, licenciouse en xornalismo pola Universidade Complutense de Madrid.
Foi condutor, durante dez temporadas (1996-2006) do programa Vamos a la playa de Radio Valadouro, proxecto que iniciou con 16 anos e que, pese a ser local, conseguiu que locutores con experiencia e famosos grupos de actualidade musical estatal pasaran polos micros da emisora lucense. Así, Juanma Ortega, Ella Baila Sola, La Oreja de Van Gogh, e outros tantos pasaron polo programa.
Na súa cidade natal foi locutor da emisora RKR Radio Las Rozas. E a nivel estatal traballou en Top Radio España, como colaborador nos espazos La noche más loca (2000-2001) e Abierto al Anochecer (2002); e na emisora do grupo Zeta Flaix FM (2002).
Tamén chegou a cruzar o charco e a traballar na emisora estadounidense WFUN en Ashtabula (Ohio).
No 2003 entrou a formar parte do equipo do programa La Rosa de los Vientos de Onda Cero Radio, baixo a tutela de Juan Antonio Cebrián. Na actualidade exerce como redactor e produtor, tendo a cargo as seccións "Agenda Cultural de DJ Martin" e "El Termómetro de la Tierra".