Manuel Ramos Fernández
| Biografía | |
|---|---|
| Nacemento | 1871  As Pontes de García Rodríguez, España |
| Morte | 22 de agosto de 1936 (64/65 anos) As Pontes de García Rodríguez, España |
| Datos persoais | |
| País de nacionalidade | España |
| Actividade | |
| Ocupación | político |
| Lingua | Lingua castelá |
Manuel Ramos Fernández, nado nas Pontes de García Rodríguez cara a 1871 e finado nas Barrosas o 22 de agosto de 1936, foi un político galego.
Traxectoria[editar | editar a fonte]
Viaxaba frecuentemente a Cuba, a onde levaba traballadores para os xardíns da Habana. Foi elixido concelleiro das Pontes de García Rodríguez nas eleccións do 12 de abril de 1931, e tomou posesión como primeiro tenente-alcalde do goberno presidido por José Vilaboy Pajón o día 22 de abril. Co golpe de Estado do 18 de xullo de 1936 foi asasinado o 22 de agosto xunto coa súa muller Juana Ferreiro Rodríguez e dous dos seus fillos, Manuel e José.[1] En 1941 abriuse un proceso xudicial por homicidio contra Narciso Corral Ocampo, xefe da Falanxe e un dos responsables do masacre, que finalmente foi sobresido.
Notas[editar | editar a fonte]
- ↑ "Manuel, Juana, Manuel y José regresan de nuevo con su familia". La Voz de Galicia (en castelán). 2006-08-22. Consultado o 2021-03-17.
Véxase tamén[editar | editar a fonte]
Bibliografía[editar | editar a fonte]
- Souto López, Manuel (2002). "II República nas Pontes de García Rodriguez, 1931-1936: Os Agrario-Republicanos" (PDF). Cátedra. Revista Eumesa de Estudios (9): 157–178. Arquivado dende o orixinal (PDF) o 07 de marzo de 2016. Consultado o 25 de xuño de 2015.
Ligazóns externas[editar | editar a fonte]
- Sergio Guerra Vilaboy: "La represión fascista en As Pontes en 1936" 23/8/2014.