Manuel Pérez Taboada
| Biografía | |
|---|---|
| Nacemento | 19 de agosto de 1917  Xeve, España |
| Morte | 1976 (58/59 anos) Francia |
| Datos persoais | |
| País de nacionalidade | España |
| Actividade | |
| Ocupación | xastre , político |
| Lingua | Lingua castelá |
Manuel Pérez Taboada, nado en Xeve (Pontevedra) o 19 de agosto de 1917 e finado Francia en 1976, foi un xastre e político galego.
Traxectoria[editar | editar a fonte]
Traballaba nunha xastrería de Andrés Muruais en Pontevedra. Co golpe de Estado do 18 de xullo de 1936 fuxiu con outro veciño de Xeve, pasou por Asturias e chegou a Francia. Os falanxistas detiveron ao seu pai e a un dos seus irmáns para tratar de localizalo, pero non o conseguiron, e soltáronos. En Francia casou con Luisa Merino, filla de emigrantes salmantinos que chegaron a París logo da primeira guerra mundial, e axudou a moitos españois.
Durante a ocupación nazi de Francia foi detido en Bordeos en febreiro de 1944. Estivo alí preso até maio, cando foi trasladado ao campo de concentración de Neuengamme, preto de Hamburgo. Estivo a piques de ser fusilado e salvouse a última hora por dicir que era xastre.
Cando foi liberado, volveu coa súa muller, Luisa, a París, onde tivo tres fillas. Cando morreu o seu pai en 1964, tratou de negociar co consulado español unha visita a Pontevedra, pero foille denegada.