Nado en Reynoldsburg, Ohio, onde acudiu ao Instituto Groveport Madison. Alí xogou ao fútbol americano, baloncesto e track and field. En canto ao fútbol americano, xogou na posición de running back, facendo no seu primeiro ano 789 iardas de carreira e 9 touchdowns, 1.100 iardas e 13 touchdowns no segundo e 1.333 yards e 21 touchdowns no último. Entre 2010 e 2012 xogou para os Spartans da Universidade Michigan State, onde fixo un total de 3.346 iardas de carreira (5 de media por intento) e 34 touchdowns. Tras a súa etapa universitaria, Bell foi escollido polos Pittsburgh Steelers na segunda rolda do Draft da NFL de 2013, sendo o seu posto global o 48.