Faustino Domínguez Salgado

Para outras páxinas con títulos homónimos véxase: Faustino Domínguez.

Faustino Domínguez Salgado, nado na Coruña o 5 de maio de 1905 e finado en Madrid en abril de 1981, foi un militar e xinete galego. Competiu en dúas probas nos Xogos Olímpicos de 1956 en Melbourne.

Traxectoria[editar | editar a fonte]

Militar de carreira comezou a practicar hípica na década de 1920.^[1] Xa como tenente coronel, participou en 1956 nos Xogos Olímpicos de Melbourne, tanto na proba individual como na de equipos, facendo equipo con Joaquín Nogueras e Hernán Espinosa. Na proba individual ocupou unha das últimas posicións, mentres que na proba por equipos o conxunto español quedou de último.^[2]^[3]

Posteriormente ascendeu ata xeneral de brigada e foi tres veces campión de España en doma clásica, nos anos 1970, 1971 e 1973.^[4]

↑ Vara, Orestes (5 de agosto de 1949). "5 minutos de Charla con el teniente coronel Domínguez". La Voz de Galicia (en castelán). p. 3.
↑ "Hípica nos Xogos Olímpicos de 1956 - Proba individual". sports-reference.com (en inglés). Arquivado dende o orixinal o 18 de abril de 2020. Consultado o 6 de setembro de 2021.
↑ "Hípica nos Xogos Olímpicos de 1956 - Proba por equipos". sports-reference.com (en inglés). Arquivado dende o orixinal o 18 de abril de 2020. Consultado o 6 de setembro de 2021.
↑ "Campións de España de doma clásica" (PDF). Real Federación Hípica Española (en castelán). Consultado o 6 de setembro de 2021.

Datos do xinete no sitio web oficial do Comité Olímpico Internacional (en castelán).
Datos do xinete en sports-reference.com. Arquivado dende o orixinal (en inglés).