Distrito Moroto

Distrito Moroto

Nomeado en referencia a	Moroto Town (en)
Localización
2°30′N 34°15′L
Estado	Uganda
Rexión	Região Norte (pt)
Capital	Moroto Town (en)
Poboación
Lingua usada	Tepes (en) Língua langu (pt) Língua Karamajong (pt)
Xeografía
Superficie	3.537,6 km²
ISO 3166-2	UG-308
Páxina web	moroto.go.ug

Moroto District é un distrito da Rexión Setentrional de Uganda. Como moitos outros distritos ugandeses, o seu nome provén da súa cabeceira, Moroto.

Limita co Distrito Kaabong polo norte, coa República de Kenya polo leste, co Distrito Amudat polo sur, co Distrito Nakapiripirit polo suroeste, co Distrito Napak polo oeste e co Distrito Kotido polo noroeste. Atópase ao pé do Monte Moroto. A capital de Moroto atópase aproximadamente a 210 km, por estrada, ao nordeste de Mbale, a maior cidade máis próxima.

O distrito forma parte da subrexión Karamoja canda: Distrito Abim, Distrito Amudat, Distrito Kaabong, Distrito Kotido, Distrito Nakapiripirit e Distrito Napak. No ano 2002, a poboación da rexión de Karamoja estimábase en 800.000 persoas.

O distrito consiste nunha chaira cuberta por unha sabana con algúns outeiros rochosos. Componse de tres condados: Bokora, Matheniko e Moroto. Está habitado polos karimojong, un grupo étnico distintivo e vivo, que vive habitualmente as súas tradicións.

A agricultura e a gandaría son as principais actividades económicas do distrito. Recentemente, o cultivo de Jatropha está en voga, empregándose a súa semente para producir biocombustible. A apicultura é outra actividade económica que está gañando popularidade.

O distrito é un centro de recursos minerais aínda por explotar. Hai sobre cincuenta minerais, así como pedras preciosas, diferentes na rexión de Karamoja. Destes, Moroto ten ouro, prata, cobre, ferro, titanio, manganeso, niobio, tantalita e cromo. Tamén hai mármore, mica, granate, pedra calcaria e asbestos.

A poboación segundo o censo do ano 2002 estimábase, segundo se constituíu en xullo de 2010, en 77.250 persoas. Estímase que a poboación do ano 2010 é de 97.900, segundo segue a táboa.

Poboación do Distrito Moroto

Ano Poboación (estimación) 2002 77.250 2003 79.600 2004 82.000 2005 84.400 2006 87.000 2007 89.600 2008 92.300 2009 95.000 2010 97.900 Notas Véxase tamén Ligazóns externas Páxina oficial Moroto District at Ugandatravelguide.com Arquivado 01 de novembro de 2014 en Wayback Machine.